दुसऱ्या दिवशी ही पेट्रोल-डिझेलच्या किमतीत वाढ, काँग्रेस आक्रमक

पेट्रोल आणि डिझेलच्या किमती चार महिन्यांत पहिल्यांदाच मंगळवारी वाढल्या. सध्या दिल्लीत पेट्रोलचा दर 96.21 रुपये प्रतिलिटर आहे तर डिझेल 87.47 रुपये प्रतिलिटर आहे. पेट्रोल आणि डिझेल या दोन्हीच्या किमती आणखी वाढण्याची शक्यता आहे. कच्च्या तेलाच्या किमतीत मोठी वाढ झाल्याने तेल कंपन्यांनी तब्बल चार महिन्यांच्या कालावधीनंतर पेट्रोल आणि डिझेलच्या दरात वाढ केली आहे. दरम्यान, गोवा प्रदेश काँग्रेस कमिटीसह काँग्रेस (Congress) आमदार, युवक काँग्रेस, महिला काँग्रेस, सेवा दल यांनी एनएसयूआय गॅस, डिझेल आणि पेट्रोलच्या दरवाढीविरोधात आंदोलन केले आहे. उत्तर गोव्याच्या (goa) जिल्हाधिकाऱ्यांना याबाबतचे निवेदन देखील आज दिले गेले आहे.

इंधनाच्या किमती किती वाढण्याची शक्यता आहे?

तेलाचा व्यापार करणाऱ्या कंपन्यांना त्यांचे मार्केटिंग मार्जिन राखता यावे यासाठी कच्च्या तेलाच्या किमतीत प्रति बॅरल 1 डॉलरच्या वाढीमागे पेट्रोल (Petrol) आणि डिझेल (Diesel) या दोन्हींच्या किमती 0.52 रुपयांनी वाढवणे आवश्यक आहे. कच्च्या तेलाच्या उच्च किमतीचा ग्राहकांवर होणारा परिणाम कमी करण्यासाठी केंद्र पेट्रोल आणि डिझेलवरील उत्पादन शुल्क कमी करू शकते, असा अंदाज आहे. पेट्रोलवरील सेंट्रल उत्पादन शुल्क अजूनही कोरोना (Corona) महामारीपूर्वीच्या वेळेपेक्षा 8 रुपये जास्त आहे, तर डिझेलवरील उत्पादन शुल्क महामारीपूर्वीच्या वेळेपेक्षा 6 रुपये जास्त आहे.