Goa Congress: आसामचे मुख्यमंत्री हिमंता बिस्वा सरमा यांच्या ‘भारत जोडो न्याय यात्रे’वर हल्ल्याचा निषेध करत गोवा प्रदेश काँग्रेस समितीने मंगळवारी त्यांचा प्रतिकात्मक पुतळा जाळून निषेध केला.
यावेळी गोवा प्रदेश काँग्रेस समितीचे अध्यक्ष अमित पाटकर, आमदार कर्लूस फेरेरा, वरिष्ठ उपाध्यक्ष एम के शेख, मीडिया विभागाचे अध्यक्ष अमरनाथ पणजीकर, गोव्याचे अखिल भारतीय काँग्रेस समितीच्या अल्पसंख्याक प्रभारी तरन्नुम खान, युवा अध्यक्ष जॉयल आंद्रादे आणि एनएसयुआय अध्यक्ष नौशाद चौधरी, तसेच इतर नते उपस्थित होते.
काँग्रेसकडून हाऊस-पणजी येथे हिमंत बिस्वा सरमा यांचा पुतळा जाळण्यात आला. यावेळी काँग्रेस समर्थक आणि नेत्यांनी भाजपच्या विरोधात घोषणाबाजी केली.
मणिपूरपासून सुरू झालेल्या ‘भारत जोडो, न्याय यात्रेला राहुल गांधींना पाठिंबा मिळत असल्याने भाजपा घाबरला असल्याचा आरोप अमित पाटकर यांनी यावेळी केला.
"काँग्रेसला मिळत असलेला पाठिंबा आणि सरकार विरुद्ध लोकांची नाराजी बघता भाजप घाबरला आहे हे आता स्पष्ट झाले आहे. त्यामुळे गोंधळलेल्या आसामच्या मुख्यमंत्र्यांनी यात्रेवर हल्ला केला आणि त्यात अडथळा आणण्याचा प्रयत्न केला," असे ते म्हणाले.
आसामचे अध्यक्ष भूपेन कुमार बोराह यांच्यावर हल्ला करून त्यांना मारहाण करण्यात आली. एकीकडे ते रामराज्या विषयी बोलतात आणि दुसरीकडे त्यांनी राहुल गांधींना मंदिरात जाण्यापासून रोखले, असे पाटकर म्हणाले.
काँग्रेस मजबूत होईल या भीतीने राहुल गांधी यांना मंदिरात जाण्यापासून थांबवण्यात आले, असे कार्लूस म्हणाले. आसामचे मुख्यमंत्री हुकूमशाही शासन चालवत आहेत असा आरोपही त्यांनी केला.
आसाम सरकार सुरक्षा पुरवण्यात अपयशी ठरले असून यात्रेवर झालेल्या हल्ल्याबद्दल त्यांनी माफी मागावी, असे तरन्नुम खान यांनी म्हटले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.