Colvale Theft Case: मोबाईल फोन चोरीप्रकरणी एकाला अटक, मोबाईलसह स्कूटरही जप्त

Colvale Theft Case गोव्यात दिवसेंदिवस चोऱ्यांचे सत्र वाढत असून नुकतीच अशीच एक घटना उघडकीस आलीय. कोलवळे पोलिसांनी रशीद मुल्ला (वय 22, रा. नागोवा-बार्देश ) याला 10 हजार रुपयांच्या मोबाईल फोनची चोरी केल्याप्रकरणी अटक केलीय.

सदर चोरी केलेला फोन पोलिसांनी हस्तगत केला असून रशीद मुल्लाकडून पोलिसांनी चोरीच्या गुन्ह्यात वापरलेली स्कूटरही जप्त केली आहे

शुक्रवारी सकाळी कळंगुटमध्ये सुद्धा मोबाईल चोरीची एक घटना घडली असून तिथल्या एका रेस्टॉरंट कामाला असलेल्या कामगारांच्या खोलीतून 79 हजारांचे एकूण 4 मोबाईल चोरीला गेले होते.

पोलिसांनी ताबडतोब चोरांचा शोध सुरू केला आणि गुन्हेगार रिझवान मुल्ला आणि मौसेरुल्ल मुल्ला (दोघेही, रा. पश्चिम बंगाल) यांना अटक केली. सध्या सर्वत्र गणेश चतुर्थी सणाची धामधूम असून गर्दी, वाहतूक कोंडीचा फायदा घेऊन चोऱ्यांचे प्रमाण वाढले दिसून येतेय.