पणजी, गोवा कृषी महाविद्यालय आणि जिल्हा ग्रामीण विकास संस्थेने गोवा राज्य ग्रामीण उपजीविका अभियानांतर्गत नानोडा, डिचोली गावातील महिला स्वयंसाहाय्य गटांना गांडूळ खत निर्मितीचे प्रशिक्षण दिले.
प्रशिक्षणादरम्यान कृषी विज्ञान विभागाच्या साहाय्यक प्राध्यापिका सलोनी पाटील यांनी गांडूळ खत निर्मितीचे टप्पे, काळजी, देखभाल आणि फायदे सांगितले. डीटीएम एफएल-डीआरडीए नॉर्थचे मंदार गावस यांनी गांडूळ खतासाठी उपलब्ध असलेल्या विविध योजना आणि अनुदानाची माहिती दिली.
सर्व महिला सहभागींना भाजीपाला, शेतात आणि बागायती पिकांसाठी गांडूळ खताचा वापर आणि फायदे जाणून घेण्याची संधी मिळाली. गांडूळ खत तयार करण्याचा प्रत्यक्ष अनुभवही त्यांना मिळाला. प्रशिक्षणात अंतिम वर्षाचे सर्व विद्यार्थी सहभागी झाले होते.
महिला स्वयंसाहाय्य गटातील सर्व सहभागींना गांडूळ खताचे बेड सादर करण्यात आले, ज्याचा वापर दर्जेदार गांडूळ खत, व्हर्मी वॉश आणि कंपोस्ट तयार करण्यासाठी केला जाऊ शकतो. संजय नितावे, सलोनी पाटील, अक्षया कळंगुटकर आणि सहर्ष मळकर्णेकर हे सर्व कृषी शास्त्र विभागात साहाय्यक प्राध्यापक म्हणून कार्यरत आहेत. त्या सर्वांनी प्रशिक्षण उपक्रमांचे समन्वयन केले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.