Sanquelim: नशामुक्त गोव्याचा निर्धार! "रात्री उशिरापर्यंत घराबाहेर राहणाऱ्या मुलांची चौकशी करा", CM सावंतांचे पालकांना आवाहन

Pramod Sawant: गोव्यात अमलीपदार्थांच्या व्यवहारांवर अमलीपदार्थ विरोधी पथक तसेच गोवा पोलिस अंकुश ठेवण्याचा प्रयत्न करीत आहेत.
Sanquelim
SanquelimDainik Gomantak
Published on
Updated on

साखळी: गोव्यात अमलीपदार्थांच्या व्यवहारांवर अमलीपदार्थ विरोधी पथक तसेच गोवा पोलिस अंकुश ठेवण्याचा प्रयत्न करीत आहेत. यासाठी राज्य सरकारचा त्यांना पूर्ण पाठिंबा असून आज पालकांनीही आपल्या मुलांवर लक्ष ठेवताना रात्री उशिरापर्यंत घराबाहेर राहणाऱ्या मुलांची चौकशी करणे आवश्यक बनले आहे, असे प्रतिपादन मुख्यमंत्री डॉ. प्रमोद सावंत यांनी साखळी येथे केले.

डिचोली पोलिस स्थानकाचे निरीक्षक विजय राणे यांच्या मार्गदर्शनाखाली डिचोली तालुक्यात काढण्यात आलेल्या अमलीपदार्थ विरुद्ध जागृती फेरीच्या शुभारंभप्रसंगी मुख्यमंत्री डॉ. प्रमोद सावंत बोलत होते.

Sanquelim
Goa Crime: 'लव जिहाद'ला प्रोत्साहन देणारी जिम बंद करा! कुडचडेत ग्रामस्थांचा मोर्चा; लैंगिक अत्याचार करणाऱ्या मालकाच्या अटकेसाठी दबाव

यावेळी पोलिस निरीक्षक विजय राणे, साखळीच्या नगराध्यक्ष सिद्ध प्रभू, माजी सरपंच संजय नाईक, कृष्णा गावस, माजी नगराध्यक्ष राया पार्सेकर, पंच सदस्य नारायण गावस, दामोदर पेठकर व इतरांची उपस्थिती होती.

यावेळी मुख्यमंत्री डॉ. प्रमोद सावंत यांनी बावटा दाखवून अंमलीपदार्थ विरोधी रॅलीचा शुभारंभ केला. या रॅलीत डिचोली पोलिस उपनिरीक्षक, साहाय्यक उपनिरीक्षक, हवालदार पोलीस कॉन्स्टेबल असे कर्मचारी सहभागी झाले होते.

साखळी हाऊसिंग बोर्ड येथून सुरू झालेली ही रॅली साखळी शहरात फिरून सर्वण कारापूरमार्गेडिचोली शहरात दाखल झाली. तिथे शहरात फिरल्यानंतर मुळगाव नागदेवता येथून पुन्हा डिचोली पोलीस स्थानकात जवळ येऊन त्याची सांगता झाली.

Sanquelim
Goa Taxi Driver App: अखेर गोवा सरकारने लॉन्च केले टॅक्सी अ‍ॅप; चालकांना मिळणार 25 लिटर पेट्रोल, डिझेल, CNG मोफत

आमिषांना बळी पडू नका

पंतप्रधान नरेंद्र मोदी यांच्या नशामुक्त भारतप्रमाणेच ‘नशामुक्त गोवा’ ही मोहीम गोवा सरकार हाती घेणार आहे. त्यात पालक व लोकांनीही सहभागी व्हावे. कोणतेही पार्सल एका ठिकाणाहून दुसर्‍या ठिकाणी नेऊन देण्यासाठी कोणी जर पैसे देत असेल तर अशा आमिषांना युवकांनी बळी पडू नये.

स्वतःचा व इतरांचाही जीव सुरक्षित ठेवण्यासाठी अशा प्रकारांमध्ये गुतलेल्यांना पोलिसांच्या ताब्यात देण्यासाठी सहकार्य करावे, असे आवाहनही मुख्यमंत्री डॉ. प्रमोद सावंत यांनी केले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com