54th IFFI Goa: गोव्यात येत्या 20 नोव्हेंबरपासून भारतीय आंतरराष्ट्रीय चित्रपट महोत्सव आयोजित करण्यात आला आहे. 20 ते 28 नोव्हेंबर दरम्यान चालणाऱ्या या महोत्सवाच्या तयारीचा मुख्यमंत्री प्रमोद सावंत यांनी आढावा घेतला.
मुख्यमंत्री प्रमोद सावंत यांच्या अध्यक्षतेखाली इफ्फीची आढावा बैठक आयोजित करण्यात आली होती. मुख्यमंत्री सावंत यांनी महोत्सवाच्या तयारीचा आढावा घेत, त्याचे यशस्वी आयोजन करण्यासाठी आवश्यक उपाययोजना करण्याच्या सूचना सावंत यांनी अधिकाऱ्यांना दिल्या.
54 व्या इफ्फी महोत्सवासाठी हॉलिवूड चित्रपट अभिनेते आणि निर्माते मायकल डग्लस हजेरी लावणार आहेत, डग्लस यांचा सत्यजीत रे जीवनगौरव पुरस्कार देऊन गौरव करण्यात येणार आहे. यावेळी डग्लस यांच्यासोबत त्यांची पत्नी आणि मुले देखील उपस्थित राहणार असल्याची माहिती आहे.
तसेच, इफ्फीच्या यावेळच्या महोत्सवात बॉलिवूडचा भाईजान सलमान खान देखील हजेरी लावणार असल्याची माहिती आहे. सलमानला इफ्फीचे निमंत्रण देण्यात आले असून, त्याच्या उपस्थितीबाबत अद्याप निश्चित माहिती समोर आलेली नाही.
दरम्यान, सलमानची भाजी अलिजेह हिचा फर्रे हा चित्रपटाचे गोव्यात इफ्फी महोत्सवात प्रदर्शन होणार आहे. त्यामुळे सलमान इफ्फीसाठी उपस्थित राहण्याची दाट शक्यता वर्तवली जात आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.