Assagao Demolition: आसगाव प्रकरणात CM आणि लोबो दाम्पत्याचा हस्तक्षेप! वकिलाचा युक्तीवाद, पूजाला जामीन मिळणार का?

Assagao Demolition Case: पूजा शर्माने अटकपूर्व जमीनासाठी केलेल्या अर्जावर आज प्रधान सत्र न्यायालयात सुनावणी झाली.
आसगाव प्रकरणात CM आणि लोबो दाम्पत्याचा हस्तक्षेप! वकिलाचा युक्तीवाद, पूजाला जामीन मिळणार का?
Assagao House DemolitionDainik Gomantak

आसगाव येथील आगरवाडेकर कुटुंबियांच्या घराची मोडतोड केल्याप्रकरणात मुख्य संशयित पूजा शर्माच्या जामीन अर्जावर सध्या सुनावणी सुरु आहे.

या प्रकरणात मुख्यमंत्री डॉ. प्रमोद सावंत आणि आमदार लोबो दाम्पत्याच्या हस्तेक्षेपाचा उल्लेख पूजा शर्माच्या वकिलाने युक्तीवादात केला. पूजाच्या जामीन अर्जावर येत्या सोमवारी सुनावणी होणार आहे.

मिळालेल्या माहितीनुसार, पूजा शर्माने अटकपूर्व जमीनासाठी केलेल्या अर्जावर आज प्रधान सत्र न्यायालयात सुनावणी झाली. पूजा शर्माच्या वतीने वकील सुरेंद्र देसाई यांनी युक्तीवाद केला. युक्तीवादात देसाई यांनी आसगाव घर मोडतोड प्रकरणात राजकीय हस्तक्षेप होत असल्याचा उल्लेख केला. तसेच तपास यंत्रणा स्वतंत्रपणे तपास करत नसल्याचेही ते म्हणाले.

देसाई यांनी प्रकरणात मुख्यमंत्री डॉ. प्रमोद सावंत आणि आमदार लोबो दाम्पत्याच्या हस्तेक्षेपाचा उल्लेख केला. दरम्यान, सुनावणी अपूर्ण राहिल्याने ती सोमवारपर्यंत तहकूब करण्यात आली आहे. युक्तिवाद आज संपल्याने सरकारी वकील सोमवारी (दि.08) रोजी बाजू मांडतील.

आत्तापर्यंत काय झालं?

आसगाव घर मोडतोड प्रकरणात आत्तापर्यंत विविध घडामोडी घडल्या. पोलिसांनी या प्रकरणात रिअल इस्टेट एजंट, बाऊन्सर्स, जेसीबी चालक आणि वाहन मालकाला अटक केली होती. तसेच, हणजूण पोलिस स्थानकाच्या तीन पोलिसांना निलंबित केले होते. तसेच, पोलिस महासंचालकांच्या निलंबनाची मागणी झाली.

दरम्यान, याप्रकरणी अटक करण्यात आलेल्या सशर्त जामीन देण्यात आला आहे. तर, पोलिस महासंचालकांचे निलंबन अटळ असल्याचे सांगितले जात आहे. आगरवाडेकर कुटुंबियांनी तक्रार मागे घेण्यास तयारी दर्शवल्याने या प्रकरणाला वेगळे वळण मिळाले होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com