डिचोली: राज्याचे मुख्यमंत्री डॉ. प्रमोद सावंत यांनी आज डिचोली पोलिस (Dicholim Police Station) स्थानकातील अकरा दिवशीय अकरा गणपतीचे दर्शन घेतले. मुख्यमंत्री डॉ. सावंत (Chief Minister Dr. Sawant) यांचे पोलिस स्थानकात आगमन होताच पोलिसांनी त्यांचे स्वागत केले. मुख्यमंत्र्यांनी गणपतीचे आशीर्वाद घेतानाच पोलिस स्थानकातील अधिकारी आणि पोलिसांना शुभेच्छा दिल्या.
डिचोली पोलिस स्थानकातील गणपती अकरा दिवस ठेवण्यात आला असून, पोलिसांतर्फे मार्गदर्शक तत्वांचे पालन करून गणेशोत्सव साजरा करण्यात येत आहे. गणपतीसमोर आकर्षक सजावट करण्यात आली आहे. त्यानिमित्त फुगड्या भजनादी कार्यक्रमात पोलिस उत्साहात भाग घेत आहेत. येत्या सोमवारी सायंकाळी उत्तरपूजा, आरती आदी कार्यक्रम झाल्यानंतर पारंपरिक पद्धतीने गणपती मूर्तीचे विसर्जन करण्यात येणार आहे. दरम्यान, गणेशोत्सवानिमित्त आज (शुक्रवारी) पोलिसांतर्फे श्री सत्यनारायण महापुजेचे आयोजन करण्यात आले होते. त्यानिमित्त आरती आणि महाप्रसाद झाला. महिला पोलिसांतर्फे गणपतीसमोर फुगडी, झेंबाडे घालण्यात आले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
