Goa News: गोकर्ण-पर्तगाळी मठातर्फे राम मंदिरासाठी एक कोटी

Goa News: गोकर्ण-पर्तगाळी जीवोत्तम मठातर्फे अयोध्येतील श्रीराम मंदिराच्या निर्माणासाठी १ कोटी ८ लाख ७७ हजार ७७७ रुपयांची देणगी देण्‍यात आली आहे. रामराज्य रथयात्रा पर्तगाळी मठात पोचल्यानंतर श्रीमद्‌ विद्याधीश स्वामी यांनी स्वागत करताना ही घोषणा केली.

माझे गुरुस्वामी श्रीमद्‌ विद्याधीराज तीर्थ स्वामी वयाच्या ७७व्या वर्षी वृंदावनस्थ झाले. त्यासाठी त्यांच्या स्मरणार्थ हा निधी श्रीराम मंदिराच्या निर्माणासाठी देण्यात येत असल्याची घोषणा स्वामींनी केली. या कार्यक्रमाला माजी मुख्यमंत्री दिगंबर कामत व मठ समितीचे पदाधिकारी उपस्थित होते.

रथयात्रा कर्नाटककडे

पर्तगाळी मठात काल रात्री मुक्काम केल्‍यानंतर आज रथयात्रेने पोळेमार्गे कर्नाटकात प्रवेश केला. तत्‍पूर्वी, पैंगीण येथील परशुराम देवालय प्राकारात श्री परशुराम पंचग्राम देवालय समितीने रथयात्रेचे भव्य स्वागत केले. देवालयाचे अर्चक निशिकांत टेंगसे यांनी आरती केली.