मंत्रिमंडळाचा विस्तार पुढील आठवड्यात होणार: मुख्यमंत्री प्रमोद सावंत

पणजी: पुढील आठवड्याच्या शेवटी मुख्यमंत्री डॉ. प्रमोद सावंत यांच्या नेतृत्वाखालील मंत्रिमंडळ पूर्ण होणार असल्याची माहिती समोर येत आहे. रविवारी 9 मंत्र्यांना खातेवाटप करण्यात आले. 28 मार्च रोजी या 9 मंत्र्यांनी शपथ घेतली होती. (goa cabinet expansion to take place next week)

"मंत्रिमंडळाचा विस्तार पुढील आठवड्याच्या शेवटी केला जाईल. त्यानंतर लवकरच पोर्टफोलिओचे वाटप केले जाईल," असे मुख्यमंत्र्यांनी रविवारी संध्याकाळी त्यांच्या अधिकृत निवासस्थानी पत्रकारांना सांगितले.

खात्यांच्या वाटपाबाबत मुख्यमंत्री सावंत म्हणाले की, मंत्रिमंडळात अनुभवी मंत्र्यांचा समावेश करण्यात आला आहे. "भूतकाळात पोर्टफोलिओ हाताळलेल्या अनुभवी मंत्र्यांना महत्वाची खाती देण्यात आली आहेत. ते केंद्रीय योजना पार पाडतील आणि पुढे नेतील," लोकांची कामे जलद मार्गावर करण्यासाठी "शून्य भ्रष्टाचार आणि सुशासन" यावर भर देणार असल्याचे सावंत म्हणाले.

गोव्याच्या (Goa) मंत्रिमंडळाचं बहुप्रतीक्षित खातेवाटप अखेर रविवारी जाहीर करण्यात आले आहे. मुख्यमंत्री प्रमोद सावंत (Pramod Sawant) यांच्याकडे गृह, वित्त या महत्त्वाच्या खात्यांसह कार्मिक, दक्षता आणि राजभाषा खात्यांचा पदभार असेल तर विश्वजीत राणेंकडे (Vishwajit Rane) आरोग्य, नगरविकास, नगरनियोजन, महिला आणि बालकल्याण, वन खात्यांचा पदभार असेल.