Goa Assembly 2025: महिलांसाठी सरकार तत्पर! खास महिलांसाठी LIC विमा सखी योजना; वाचा गोव्यातील ठळक घडामोडी

महिला स्वतःच्या पायावर उभ्या राहाव्यात आणि त्यांना आर्थिक मदत करण्यासाठी विमा सखी योजना सुरु करण्यात आलीये.

आमदार जेनिफर मोन्सेरात यांनी सरकारचा पक्ष मांडताना माजी बस सेवा, अपघातग्रस्तांना मदत, कदंब बसची जागोजागी दिली जाणारी सेवा याकडे सर्वांचं लक्ष वेधून घेतलं.

गोव्यात पाण्याची कमतरता आणि अनियमित पुरवठ्याकडे लक्ष वेधत अ‍ॅड. कार्लोस अल्वारेस फरेरा यांनी सरकारवर निशाणा साधलाय.

गोव्यात रहात असलेल्या बिहारगोमंतकीयांची जनगणना करण्याची गरज आहे. काही बिगर गोमंतकीय अवैध्य रित्या किंवा खोटे ओळखपत्र करून राहतात आणि गोव्यात रोजगार करतात ज्यामुळे मूळ गोमंतकीयांना रोजगार मिळण्यात अडचण होते. त्यामुळे अशा बिगरगोमंतकीयांची चौकशी करण्याची मागणी मयेचे आमदार प्रेमेंद्र शेट यांनी सभागृहात केली.

"एक्सपोजीशन समारंभाला विरोधी नेते नावं ठेवूच नाही शकत". गोवा सरकारकडून स्थानिक, देशी तसेच विदेशी भाविकांसाठी उत्तम सेवा पुरवल्या गेल्या होत्या. मुख्यमंत्र्यांनी स्वयंपूर्ण गोव्यासाठी भरपूर मोठं योगदान दिलं आहे. असं म्हणत मायकल लोबो यांनी मुख्यमंत्र्यांच्या कामाचं कौतुक केलं.

मे 2026 पर्यंत आम्ही गोमंतकीयांना अतिरिक्त 248 एमएलडी पाणी पुरवणार असून एप्रिल आणि मे महिन्यात पाण्याची कमतरता भासणार नाही, असे उत्तर मुख्यमंत्र्यांनी सरदेसाईंच्या प्रश्नावर दिले.

संपूर्ण गोव्याला 672 MLD पिण्याची पाण्याची गरज असून पैकी 595 MLD पाणी PWD कडून गोव्यातील जनतेला पुरवले जाते. एकूण 91 MLD पिण्याच्या पाण्याचा तुटवडा गोव्याला जाणवतो ज्याची टक्केवारी 13 टक्के आहे, अशी विजय सरदेसाई यांची विधानसभेत माहिती.

सरकामध्ये अर्धे लोक तुमचेच असून पुढच्यावेळीही राज्यात भाजपचेच सरकार येणार आणि ते आणण्यासाठी तु्म्हीच मदत करणार असा टोमणा मंत्री विश्वजीत राणे यांनी विरोधी पक्ष नेते युरी आलेमाव यांना मारला

सर्व ठिकाणी एकाच वेळी लक्ष देणं शक्य नाही, पण सरकारचं काम सुरु आहे. पंतप्रधान नरेंद्र मोदी यांच्या धोरणानुसार अंगणवाडी कर्मचाऱ्यांना अधिकाधिक सुविधा दिल्या जाण्याचं काम सुरु असल्याचं मंत्री विश्वजित राणे म्हणाले.

बाकी राज्यांच्या तुलनेत अंगणवाडीत काम गेल्या २० वर्षांपासून काम करणाऱ्या कर्मचाऱ्यांना बाकी राज्यांच्या तुलनेत कमी पगार दिला जातोय, यांना कधी पगारवाढ देणार असा प्रश्न सरदेसाई यांनी उपस्थित केला.

गोवा फॉरवर्डचे पक्षनेते विजयी सरदेसाई यांनी जातीची गणना करण्याची मागणी केलीये. बहुजन समाज त्यांच्या सामाजिक, आर्थिक आणि राजकीय हक्कांपासून वंचित आहे. मला सरकारकडून खात्री हवी आहे असा जोर त्यांनी धरला मुख्यमंत्री ‘नोटेड’ असे उत्तर दिले, परंतु कोणतीही ठोस खात्री दिलेली नाही.

जुने गोवे वारसा स्थळाबाबत टीसीपी मंत्री विश्वजित राणे यांनी सांगितले की जर आवश्यक परवानग्या आणि मार्गदर्शक तत्त्वांसह विकास कामे केली जात असतील तर त्यात काही अडचण नाही.जर उल्लंघन झाले तर 24 तासात कारवाई केली जाईल. त्यांनी टीसीपी विभागाकडून चालू कामाचा अहवाल मागवला आहे.

नेवरा येथे रेल्वेस्थानक नको असे पत्र करण्यापेक्षा करमळी रेल्वेस्थानकावर जास्ती रेल्वे थांबण्यासाठी आधी पत्र देणे अपेक्षित होते. तसेच करमळी येथे जास्ती रेल्वे थांबण्यासाठी नेवरा क्रॉसिंग रेल्वे स्थानकाची अत्यंत गरज आहे. – मुख्यमंत्री डॉ प्रमोद सावंत

नवीन रेल्वे प्रकल्पांवरून मंत्री माविन गुदिन्हो आणि रेव्होल्यूशनरी गोवन पक्षाचे विरेश बोरकर आमनेसामने.

कळंगुट येथील चार अल्पवयीन मुले दोन बुलेट मोटारसायकलींवर आठवड्याच्या शेवटी आमठाणे धरणावर गेली होती. परत येत असताना तरुण राणे यांचा कोलवाळ हद्दीजवळ आत्मघातकी अपघात झाला. त्यांच्या मागे बसलेल्या चालकाला दुखापत झाली. दोघांनाही वैद्यकीय मदतीसाठी आझिलो रुग्णालयात दाखल करण्यात आले.