Hologram on liquor bottles: गोव्याच्या सीमांवरून होणारी बेकायदेशीर मद्याची तस्करी रोखण्यासाठी मुख्यमंत्री प्रमोद सावंत यांनी एक महत्त्वपूर्ण घोषणा केली आहे. राज्यात विकल्या जाणाऱ्या मद्याच्या बाटल्या आणि बॉक्सवर 'होलोग्राम स्टिकर्स' लावण्यात येणार आहेत. यामुळे, मद्याचा खरेपणा प्रमाणित होईल आणि या बरोबरच उत्पादन होणाऱ्या ठिकाणापासून ते ग्राहकांपर्यंत मद्याच्या होणाऱ्या हालचालींवर उत्पादन शुल्क विभागाला लक्ष ठेवता येईल.
गेल्या वर्षभरात राज्यात अनेक ठिकाणी बनावट मद्य पकडले गेल्यामुळे सरकारनं हे पाऊल उचललं आहे. बुधवार (दि. २६ मार्च) रोजी सादर करण्यात आलेल्या अर्थसंकल्पाच्या सादरीकरणात मुख्यमंत्र्यांनी ही घोषणा केली. या 'होलोग्राम'मुळे मद्य उत्पादक, वितरक आणि विक्रेत्यांवर नियंत्रण ठेवणे सोपे होईल. बनावट मद्य विक्री करणाऱ्यांवर कठोर कारवाई करणे शक्य होईल असं मुख्यमंत्री म्हणालेत.
मुख्यमंत्री सावंत यांनी अर्थसंकल्पाच्या सादरीकरणाच्या वेळी मद्य उद्योगावरील अनुपालन भार कमी करण्याचेही संकेत दिले आहेत.
"व्यवसाय सुलभता सुनिश्चित करण्यासाठी आणि अनुपालन भार आणखी कमी करण्यासाठी, मी विविध उत्पादन शुल्क तर्कसंगत करून जास्तीत जास्त पाच स्लॅबपर्यंत कमी करण्याची योजना आखली आहे," असे सावंत म्हणाले. यामुळे, मद्य उद्योगाला दिलासा मिळणार आहे.
अर्थसंकल्पात मुख्यमंत्री आणि अर्थमंत्री डॉ. सावंत यांनी उत्पादन शुल्क विभागासाठी ३०.४ कोटी रुपयांची तरतूद केली आहे. या निधीचा उपयोग 'होलोग्राम' योजना आणि विभागाच्या इतर आधुनिकीकरणासाठी केला जाणार आहे. या निर्णयामुळे गोव्यातील मद्य व्यवसायात पारदर्शकता येईल, असा विश्वास व्यक्त केला जात आहे. बनावट मद्याच्या विक्रीला आळा बसेल आणि ग्राहकांना सुरक्षित मद्य मिळेल, अशी अपेक्षा आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.