Goa Budget 2024: मागील अर्थसंकल्पीय आश्वासनांपैकी काही महत्वाची आश्वासनं सरकारकडून...

Goa Budget 2024: 2023-24 च्या अर्थसंकल्पीय भाषणात मुख्यमंत्री डॉ. प्रमोद सावंत यांनी दिलेल्या आश्‍‍वासनांची संख्या ३९० होती. ३८८ (९९.४९%) अशा आश्वासनांबाबत एकंदर कार्यवाही सुरू करण्यात आली आहे किंवा अंमलबजावणी सुरू आहे.

तर २ (०.५१%) घोषणांशी संबंधित बाबी विविध प्रशासकीय कारणांमुळे एकतर वगळण्यात आल्या आहेत किंवा थांबवून ठेवण्यात आल्या आहेत.

आश्वासन पूर्तीत काही महत्वाच्या बाबी साकार झाल्या आहेत त्या म्हणजे स्वयंपूर्ण गोवा बोर्डची स्थापना, सरकारकडून केंद्रीय पुरस्कृत योजना कक्षची स्थापना.

आर्थिक क्षेत्रात, महिती विश्लेषण कक्षाची स्थापना, पेटीएम बरोबर सामंजस्य करार, डीडीएसएसवाय उपभोक्त्यांसाठी गोमेकॉत खास कक्षाची स्थापना. अशा गेल्या अर्थसंकल्पात नमूद केलेल्या अनेक घोषणा पूर्ण करण्यात आल्या.

विद्युत विभागात, मांद्रे येथे ४० एमव्हिए सबस्टेशन, थिवि येथे ६३ एमव्हिए विद्युत ट्रांफॉर्मर, जलस्त्रोत विभागात १५० जलस्त्रोतांचे अमृत सरोवर योजनेखाली पुनरुज्जीवन, आंतरराज्य तिळारी जलसिंचन प्रकल्प, सांत ईनेज नालाचे बांधणी ही काही महत्वाची कामे पूर्ण झाली आहेत.

वाहतूक विभागात, म्हंजी बस प्रकल्प, कदंब बसच्या सुविधा ऐपवर आणणे. क्रीडा विभागाने गेल्यावर्षी राष्ट्रीय क्रीडास्पर्धा घडवून आणल्या. ग्रामीण विकास विभागाखाली १६२ स्वयं सहाय्य गटांची ग्रामीण भागात स्थापना.

पशुसंवर्धन विभागाअंतर्गत गोवा राज्य हे रेबीजमुक्त घोषित करण्यात आले. राज्यात शिंपल्यांची शेती करण्यास मत्स्यउत्पादन विभागाकडून चालना. समाज कल्याण विभागाकडून ' दिव्यांग शशक्तीकरण विभागाची' स्थापना.

पर्यटन विभागाखाली राज्यात 'कॅरावान पॉलीसी', 'होम्सटे पॉलिसी' अधिसूचित करणे. आंतरराष्ट्रीय परिषदामध्ये जी-२० आंतरराष्ट्रीय परिषद सम्पन्न झाली. अशी अनेक आश्वासने पूर्ण करण्यात आली आहेत.

गेल्या अर्थसंकल्पात, सरकारकडून ३९० घोषणा करण्यात आल्या ज्यांचे विविध क्षेत्रात अंमलबजावणी करण्यात आली आहे. या ३९० घोषणातून २ घोषणा, एक नगरविकास नियोजन विभाग आणि दुसरी सार्वजनिक बांधकाम विभागातील एक घोषणा टाळण्यात आली. 

या घोषणातील २७९ कामे या चालीला लागल्या असून त्यांची पूर्तता लवकरच होणार आहे. एकूण ३८८ घोषणांमधली १०९ कामे पूर्ण झाली आहेत असे आश्वासन पूर्तता अहवालात म्हटले आहे.