डिचोली: डिचोली शहराला जोडून असलेला ‘धबधबा’ आता खळखळून वाहत अाहे. पावसाळी पर्यटनाची मजा लुटण्यासाठी या धबधब्यावर गर्दी उसळत असून हा धबधबा प्रत्येकाला आकर्षित करून वेड लावत आहे.
डिचोलीतील हा धबधबा आंघोळीसाठी सुरक्षित असल्यामुळे या धबधब्यावर पर्यटकांसह लहान मुलेही आंघोळीची मनसोक्त मजा लुटत असताना दिसून येतात. डिचोली शहरात येणाऱ्या आणि सारमानस रस्त्याच्या बाजूने असलेल्या या धबधब्यावर तर सध्या गर्दी उसळत आहे.
स्थानिकांसह वेगवेगळ्या भागातून पर्यटक धबधब्यावर वर्षा पर्यटनाची मजा लुटण्यासाठी येतात. निसर्गप्रेमीही या धबधब्याला भेट देण्याची संधी सोडत नाहीत. रविवारी आणि सुट्टीच्या दिवशी तर या धबधब्यावर पर्यटकांची गर्दी होत असते.
डिचोलीहून सारमानसच्या दिशेने जाताना उजव्या बाजूने रस्त्याला टेकूनच धबधबा आहे. डोंगराळ भागातून वाहणारा हा धबधबा प्रत्येकाला आकर्षित करून वेड लावत असतो. गेल्या काही दिवसांपासून पडणाऱ्या पावसामुळे हा धबधबा आता खळखळून वाहत आहे.
रविवारी आणि अन्य सुट्टीच्या दिवशी तर डिचोलीबाहेरचे लोक या धबधब्यावर मजा लुटण्यासाठी येतात. निसर्गप्रेमीही या धबधब्यावर धबधब्याचे निसर्गसौंदर्य न्याहाळण्याची संधी सोडत नाहीत. हा धबधबा देवस्थान परिसरात येत असल्याने धबधब्यावर मद्यप्राशन, मांसाहारी खाद्यपदार्थ वर्ज्य आहेत. असे प्रकार घडू नयेत म्हणून स्थानिकही त्याकडे लक्ष ठेवून असतात.
डिचोलीतील मये, लाडफे आदी काही भागात पावसाळ्यात धबधबे कोसळू लागतात. अन्य धबधब्यांच्या तुलनेत शहरातील हा धबधबा सुरक्षित आहे. धार्मिक महत्त्व असलेला डिचोलीतील धबधबा आंघोळ करण्यासाठी आणि वर्षा पर्यटनासाठी सुरक्षित आहे. त्यामुळे दरवर्षी या धबधब्यावर गर्दी होत असते.
आतापर्यंत तरी या धबधब्यावर कोणतीच अनुचित घटना घडलेली नाही, अशी माहिती स्थानिक सुरेश नारुलकर यांनी दिली. डिचोली शहराचे वैभव असलेल्या या धबधब्याचे संवर्धन व्हावे. या धबधब्याचा पर्यटनदृष्ट्या विकास करण्यासाठी प्रयत्न व्हायला हवेत, अशी मागणी प्रकाश न्हावेलकर यांनी केली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
