नौकाविहार स्पर्धेमुळे गोव्यासह शेजारील राज्यांमध्‍ये प्रसिद्धीस पावलेला विठ्ठलापूर-साखळी येथील त्रिपुरारी पौर्णिमा उत्सव उद्या सोमवारी साजरा होत आहे. या उत्सवासाठी वाळवंटी परिसर सज्ज झाला आहे. हजारो भाविकांच्‍या उपस्‍थितीत होणाऱ्या या उत्सवाचे खास वैशिष्ट्य आणि आकर्षण म्हणजे नौकानयन स्पर्धा होय.
Goa News: कोरोना महामारीनंतर दोन वर्षांनी हा उत्सव साजरा होत असल्याने यंदा वाळवंटी नदीकाठी गर्दी उसळण्याची शक्यता आहे. पर्यटन, कला आणि संस्कृती, माहिती आणि प्रसिद्धी खाते आणि विठ्ठलापूर दीपावली उत्सव समिती यांच्या संयुक्त विद्यमाने उत्सव साजरा करण्यात येणार असून तो यशस्वी करण्‍यासाठी पोलिस, वाहतूक पोलिस आदी सरकारी यंत्रणा सज्ज झाली आहे.
त्रिपुरारी पौर्णिमा उत्सवाचे खास वैशिष्ट्य आणि आकर्षण म्हणजे नौकाविहार स्पर्धा. या स्पर्धेत आकर्षक आणि पर्यावरणपूरक नौका सहभागी होत असतात. दोन वर्षांच्या खंडानंतर यंदा वाळवंटी नदीपात्रात ही स्पर्धा रंगणार आहे. रात्री 10.30 ते मध्यरात्रीपर्यंत ही स्पर्धा रंगणार आहे.
त्रिपुरासुर वध आकर्षण
सायंकाळी 7 वाजता भगवान श्रीकृष्ण मिरवणूक, नंतर वाळवंटी नदीपात्रात दीपदानाचा कार्यक्रम होणार आहे. 7.30 वाजता श्री पांडुरंग देवस्थानच्या प्रांगणात अलंकारतर्फे ‘रसिकरंजन ‘गीत नृत्‍याविष्कार’ हा सांस्कृतिक कार्यक्रम, रात्री10.30 वाजता श्री विठ्ठल-रखुमाईची पालखी मिरवणूक तर 11 वाजता त्रिपुरासुर वध केल्यानंतर आकाशात सारंगा सोडण्यात येणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
