पणजी : साखळी पालिकेत सफाई कामगार असलेल्या सुशिला कल्लीमणी या महिलेला निवृत्तीनंतरही देय रक्कम देण्यास होत असलेल्या विलंबाची गोवा खंडपीठाने स्वेच्छा दखल घेतली आहे. याचिकेत साखळी पालिका व पालिका संचालकांना प्रतिवादी करून त्यांना नोटिसा बजावल्या आहेत. त्यावरील सुनावणी 4 जुलैला ठेवली आहे.
सुशिला या साखळी पालिकेत सफाई कामगार म्हणून 35 ते 36 वर्षाच्या सेवेनंतर निवृत्त झाल्या. पण त्यांना पालिकेकडून देय असलेली रक्कम अद्यापही मिळालेली नाही. वारंवार हेलपाटे मारूनही ही रक्कम दिली जात नसल्याने त्यांनी उच्च न्यायालयाला 1 मे 2022 तारखेने पत्र पाठविले होते.
या पत्राची दखल न्यायालयाने घेतली. या स्वेच्छा याचिकेत खंडपीठाने ॲड. अभिजीत गोसावी याला ॲमिक्यूस क्यूरी म्हणून नेमणूक केली आहे. याप्रकरणी खंडपीठाने प्रतिवादी असलेल्या साखळी पालिका व पालिका संचालकांना प्रतिज्ञापत्राद्वारे उत्तर देण्यास सांगितले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
