Benaulim Accident: वार्का बाणावली येथे भरधाव पिकअप फार्मसीमध्ये घुसली

Benaulim Accident: वार्का बाणावली रोड येथील फार्मसीमध्ये भरधाव पिकअप घुसल्याची घटना रविवारी संध्याकाळी घडल्याची माहिती समोर आली आहे. सदर पिकअप जनरेटर घेऊन जात असून चालकाचे पिकअपवरील नियंत्रण सुटले आणि भरधाव पिकअप फार्मसीमध्ये घुसली.

घटनास्थळी अग्निशामक दलाचे जवान दाखल झाले असून पिकअप शॉपमधून बाहेर काढण्याचे काम सुरु झाले आहे. या अपघातात पिकअप चालक जखमी झाला असून त्याला रुग्णालयात दाखल करण्यात आल्याची माहिती प्राप्त झाली आहे. या अपघातात किती नुकसान झालेय तसेच अपघाताचा पंचनामा झालाय का या संबंधित सविस्तर माहिती उपलब्ध झाली नाहीय.

दरम्यान रविवारी राजधानी पणजीमध्येही एकअपघात घडला आहे. पणजीतील दिवजा सर्कल येथे रविवारी दुपारी एका बसने दुचाकीला धडक दिली.

या अपघातात दुचाकीस्वार महिला गंभीर जखमी झाली. तिला उपचारासाठी दवाखान्यात दाखल करण्यात आले. या अपघातानंतर येथे काही काळ वाहतूक विस्कळीत झाली होती.