पणजी: गोवा दहशतवादी विरोधी पथकातील (एटीएस) जयदेव सावंत हा कमांडो आज सकाळी बांबोळी-गोमेकॉ ठिकाणी मॉकड्रिलच्यावेळी ग्रेनेडचा स्फोट झाल्याने जखमी झाला. त्याला तत्काळ गोमेकॉमध्ये उपचारासाठी दाखल करण्यात आले आहे.
मिळालेल्या माहितीनुसार स्फोटामुळे जवानाच्या पायाला दुखापत झाली आहे. गोमेकॉच्या नव्याने उभारलेल्या सुपर स्पेशालिटी ब्लॉकच्या ठिकाणी मॉकड्रिल करण्यात येत होते. गेली दोन दिवसांपासून नॅशनल सिक्युरिटी गार्ड (एनएसजी) यांच्या मदतीने राज्यातील एटीएसचे कमांडोज ठिकठिकाणी मॉकड्रिल करीत आहेत. काल (सोमवारी) मिरामार परिसरात जवानांनी मॉकड्रिल केले होते. पोलिस खात्याकडून सुरक्षिततेच्या दृष्टीने आपल्याकडील यंत्रणेची सजगता एनएसजीच्या मदतीने तपासली जात आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
