Goa Assembly Monsoon Session 2023: पावसाळी अधिवेशनाच्या पार्श्वभूमीवर कलम 144 लागू

Section 144 Apply On Goa Assembly Monsoon Session 2023 : राज्य सरकारने पावसाळी अधिवेशनाच्या पार्श्वभूमीवर 18 जुलै ते 10 ऑगस्ट या कालावधीत पर्वरी येथील गोवा विधानसभा संकुलापासून 500 मीटरच्या परिसरात आणि पणजी पोलीस स्टेशनच्या क्षेत्रांत कलम 144 लागू करण्यात आले आहे. याबाबतचे आदेश उत्तर गोवा जिल्‍हाधिकारी मामू हागे यांनी जाहीर केले आहेत.

गोवा विधानसभेचे पावसाळी अधिवेशन 18 जुलैपासून सुरु होत आहे. 18 जुलै ते 10 ऑगस्टपर्यंत 18 दिवस हे अधिवेशन चालणार आहे.

याच पार्श्वभूमीवर 18 जुलै ते 10 ऑगस्ट या कालावधीत उत्तर गोवा जिल्‍हाधिकारी मामू हागे यांनी राज्य विधानसभा अधिवेशन काळात, पर्वरी येथील विधानसभा विधानसभा संकुलापासून 500 मीटरच्या परिसरात आणि पणजी पोलीस स्टेशनच्या क्षेत्रांत कलम 144 लागू करण्यात आले आहे.

कलम 144 लागू करण्यात आलेल्या क्षेत्रांतील गल्ली, रस्ता, चौक किंवा कोणत्याही खुल्या जागेत पाच किंवा अधिक व्यक्ती जमा होण्यास आणि मिरवणूक आयोजित करण्यास मनाई करण्यात आली आहे. तसेच शस्त्रें जवळ बाळगण्यास, लाऊडस्पिकरचा वापर करण्यास, घोषणा देण्यास आणि फटाके लावण्यावर बंदी लागू केली आहे.