मडगाव: व्यवस्थापन अरेरावी करून नाहक पिळवणूक करीत असल्याचा आरोप करून आके येथील ब्लिंकिटमधील डिलिव्हरी करणाऱ्या कामगारांनी निषेध व्यक्त करून आपले कामकाज रोखून धरले.
सादिक हैदर यांनी या कामगारांचे नेतृत्व करताना आम्हाला आमचा मूळ पगार दिला जात नसल्याचाही दावा केला. व्यवस्थापक सोनल खान व ब्रँच मॅनेजर आदित्य थोरे यांनी मनमानी सुरू केली असून, आम्हाला दिवस काढणेही मुश्कील होऊन बसले आहे, असा आरोप केला आहे.
व्यवस्थापनाने आमच्या कामाचे आयडी कार्ड ब्लॉक करून ठेवले आहे. प्रति किलोमीटर रक्कम कमी केली आहे. आता केवळ प्रति दिवस ५०० रुपये आम्ही कमावीत आहोत. कमिशन व इन्सेंटिव्ह कमी केले आहेत. तसेच अनेक डिलिव्हरी बॉयसना कुठलेही कारण न सांगता कामावरून कमी केले आहे, असा आरोपही यावेळी करण्यात आला.
आम्हाला न्याय द्यावा, आम्ही प्रामाणिकपणे काम करण्यासाठी आलो आहोत. न्याय न मिळाल्यास जिवाचे बरेवाईटही करून घेऊ असा इशाराही यावेळी या कामगारांनी दिला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
