Amit Patkar: बेकायदेशीर जमीन रुपांतरातून दिसतयं 'मायकल लोबोंचे' काम

Amit Patkar: बेकायदेशीरपणे रूपांतरित झालेल्या असंख्य जमिनी ज्या आता नगर नियोजन खात्याने पुन्हा मूळ स्थितीत आणल्या आहेत. त्यातून आमदार मायकल लोबोंचे खरे काम दिसून येते, असा टोला प्रदेशाध्यक्ष अमित पाटकर यांनी लगावला आहे.

पाटकर यांनी प्रसिद्धी पत्रक काढले त्यात ते म्हणतात, की आमदार लोबोंनी महात्मा गांधींना फक्त चलनी नोटांवर पाहिले आहे. महात्मा गांधी, इंदिरा गांधी, राजीव गांधी यांचे राष्ट्रउभारणीत योगदान समजून घेण्यासाठी लोबो यांनी पुस्तकांचे वाचन करण्याची गरज आहे. राहुल गांधी यांची ‘भारत जोडो यात्रा’ देशाच्या एकात्मतेसाठी आहे.‘ आमदार लोबोंनी राहुल गांधींच्या ‘भारत जोडो यात्रे‘ सबंधी जे वक्तव्य केले होते, त्यावर पाटकर यांनी उत्तर दिले आहे.

मतांवर भाजपचा दिवसाढवळ्या दरोडा

लोबो यांनी कामे करण्याच्या नावाखाली वैयक्तिक फायद्यासाठी जमीन रूपांतरासारखी बेकायदेशीर कामे केली. भाजप सरकारने जनतेचा जनादेश चोरला, हे लोबो यांनी लक्षात घ्यावे. गोमंतकीयांनी काँग्रेस पक्षाला विधानसभा निवडणुकीत दिलेल्या मतांवर भाजपने दिवसाढवळ्या दरोडा घातला. भाजपला 67 टक्के लोकांची मते मिळाली नाहीत, असे अमित पाटकर यांनी निदर्शनास आणून दिले.