All Goa Toddy Tappers Association: ताडी टॉपर्स संघटनेमध्ये वादाची ठिणगी; संघटनेच्या सदस्यांनी केलेत 'हे' आरोप

All Goa Toddy Tappers Association ऑल गोवा ताडी टॉपर्स कर्मचारी संघटना आणि नव्याने स्थापन झालेल्या ताडी टॉपर्स संघटनेमध्ये पुन्हा वाद निर्माण झाला असून नव्याने स्थापन झालेली संघटना आमचे कार्यालय आणि यंत्रणा वापरत असल्याचा आरोप ऑल गोवा ताडी टॉपर्स कर्मचारी संघटनेच्या काही सदस्यांनी केलाय.

तसेच नव्याने सुरु झालेली हि संघटना आपल्याकडे 15 हजार सदस्य असल्याचा दावा करतेय मात्र हा फक्त बोगस प्रमाणपत्र तयार करण्यासाठीचा चाललेला हा खटाटोप असून हे पूर्णतः बेकायदेशीर आहे.

त्यांनी आम्हांला विश्वात न घेता निवडणूक घेण्याची प्रक्रिया सुरु केली असून या सर्व प्रकाराला ऑल गोवा ताडी टॉपर्स कर्मचारी संघटनेचा आक्षेप आहे. आम्ही ही निवडणूक होऊ देणार नाही.

जर हे प्रकरण असेच सुरु राहिले तर या बेकायदेशीर प्रकाराविरुद्ध ऑल गोवा ताडी टॉपर्स कर्मचारी संघटना उच्च न्यायालयात जाणार असल्याचा इशारा मारिओ कुतिन्हो, जॉन्सन फर्नाडीज यांच्यासह ऑल गोवा ताडी टॅपर्स कर्मचारी संघटनेच्या सदस्यांनी दिला आहे.