Goa Accident: गोव्यात सध्या मुसळधार पावासाने कहर घातला आहे. त्यामुळे होणाऱ्या पडझड आणि पाणी साचण्याच्या घटना समोर येत आहेत. दरम्यान, राज्यात झालेल्या दोन दुचाकी अपघातात दोघांचा मृत्यू झाला आहे. वास्को येथील दुचाकी अपघातात नौदल कर्मचाऱ्याचा मृत्यू झाला असून, मडगावात झालेल्या अपघातात आसाम येथील मजुराचा मृत्यू झाला आहे.
वास्को येथील अपघात
वास्को येथील दुचाकी अपघातात नौदल कर्मचारी रोहित चौधरी यांचा मृत्यू झाला आहे.
एचक्यू हॉटेलजवळ रोहित यांचा अपघात झाला, येथे असलेल्या दुभाजकाला दुचाकी धडकून रोहित गंभीर जखमी झाले. उपचारासाठी त्यांना चिखली येथील उपजिल्हा रुग्णालयात दाखल करण्यात आले. पण, त्यांचा मृत्यू झाला.
मडगाव येथील अपघात
वार्काहून बाणावलीच्या दिशेने जाताना गतिरोधकावर तोल जाऊन दुचाकी चालक प्रमोद करकट्टे (वय 28, रा. आसाम) याचा अपघात झाला. करकट्टे हा वार्का परिसरात रोजंदारीवर काम करीत होता. काम संपल्यानंतर तो बाणावली येथील राहत्या घरी जात असताना त्याचा अपघात झाला.
उपचारासाठी त्याला मडगाव येथील जिल्हा रूग्णालयात दाखल करण्यात आले, दरम्यान गंभीर जखम असल्याने त्याला गोमेकॉत दाखल केले. पण उपचारादरम्यान त्याचा मृत्यू झाला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.