Goa Vasco Accident Hit And Run: वास्को येथील एमएमसी गार्डनजवळ शुक्रवारी नॅनो कार आणि दुचाकीमध्ये अपघात झाला. दुचाकीला धडक दिल्यानंतर नॅनो कारचालक घटनास्थळावरून पसार झाला. या अपघातात दुचाकी चालक वृद्ध जखमी झाला आहे.
जोआओ कोलाको (वय 79 वर्षे) असे जखमी वृद्धाचे नाव आहे. ते पिशे डोंगरी येथील रहिवासी आहेत. नॅनो चालक हा डॉक्टर असल्याचे सांगितले जात आहे.
प्रत्यक्षदर्शींनी दिलेल्या माहितीनुसार वेगाने आलेल्या नॅनो कारने दुचाकीवरील जोआओ कोलाको यांना धडक दिली. यात जोआओ जखमी झाले. तथापि, कारचालक त्यांना तशाच अवस्थेत रस्त्यावर सोडून पसार झाला. पोलिसांनी या कारचा शोध घेण्यास सुरवात केली आहे.
त्यासाठी परीसरातील सीसीटीव्ही तपासले जात आहेत. स्थानिकांनी या घटनेतील दोषी कारचालकावर कठोर कारवाईची मागणी केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.