Goa Accident Case: पोरस्कडे पेडणे येथे चारचाकी- दुचाकीमध्ये भीषण अपघात; दुचाकीस्वाराची प्रकृती चिंताजनक

Goa Accident Case: गोव्यात दिवसेंदिवस अपघातांचे स्तर वाढतच असून दोन दिवसांपूर्वी उसगाव, याठिकाणी अपघात झाले होते. अपघातांचा हा सिलसिला सुरूच असलेला पाहायला मिळतोय.

आज रविवारी दुपारच्या सत्रात पेडणे राष्ट्रीय महामार्गावर पोरस्कडे चारचाकी आणि दुचाकी यांच्यात भीषण अपघात घडून आला.

या अपघातात दुचाकी चालक गंभीररीत्या जखमी झालाय. त्याला उपचारासाठी रुग्णालयात दखल केल्याची प्राथमिक माहिती हाती आली असून पुढील तपास सुरु असल्याचे समजतेय.

या अपघातासंबंधित तसेच जखमी दुचाकीस्वारासंबंधी सविस्तर माहिती समजू शकली नाही.

दोन दिवसांपूर्वी कुठ्ठाळी- बांबोळी येथे महामार्गावर आणि बेतोडा येथे मुख्य बायपास रस्त्यावर अपघात झाले होते.

पहिल्या अपघातात शीतपेयांच्या बाटल्याची कंटेनर महामार्गावर पलटला असून यावेळी शीतपेयांच्या बाटल्यांचा खच रस्त्यावर पसरला होता. हा अपघात नेमका कसा झाला याबद्दल सविस्तर माहिती मिळू शकली नव्हती.

तर बेतोडा येथे मुख्य बायपास रस्त्यावर पिकअपची धडक बसून तुकाराम रामा जांगली (रा.बोणबाग, वय 48) हा गंभीर जखमी झाला होत. मात्र उपचारासाठी त्याला उपजिल्हा रुग्णालयामध्ये नेले असता डॉक्टरनी त्याला मृत घोषित केले होते.