Accident News: बोरी येथे 'Hit And Run'; तर फोंड्यात साखर कारखान्याजवळ तीन ट्रकचा अपघात

बायथाखोल - बोरी येथे रविवारी रात्री हिट अ‍ॅन्ड रनचा प्रकार समोर आला आहे. तर सोमवारी सकाळी संजीवनी साखर कारखान्यासमोर तीन मालवाहू ट्रकचा अपघात झाला आहे. या दोन्ही अपघातांमध्ये चालक जखमी झाले असून त्यांच्यावर गोमेकॉत उपचार सुरु आहेत.

याबाबत अधिक माहिती अशी की, रविवारी रात्री बायथाखोल - बोरी येथे हिट अॅन्ड रनचा प्रकार घडल्याची माहिती समोर येत आहे. रात्री एका अज्ञात कारने दुचाकीला धडक देऊन पळ काढला. या अपघातात जखमी विशाल गावडे व जयेश गावडे दोन्ही (रा. वेलिंग) यांच्यावर गोमेकॉत उपचार सुरु आहेत.

तर दुसरा अपघात संजीवनी साखर कारखान्याजवळ ओव्हरटेक करताना तीन मालवाहतूक करणाऱ्या ट्रकमध्ये अपघात झाला. या अपघातात दोन ट्रक चालकांना किरकोळ दुखापत झाली. तर एका ट्रकच्या प्रथमदर्शनी भागाचे नुकसान झाले. पोलिस पुढील तपास करीत आहेत.