Goa Accident News: बाणावली-नावेलीतील जंक्शनवरील खराब रस्त्यामुळे अपघातांना निमंत्रण!

बाणावलीमधील खराब रस्त्यांमुळे नागरिक हैराण झाले होते. याबाबत सामाजिक कार्यकर्ते सांतान परेरा यांनी PWD विभागाला बाणावलीजवळील बायपासवर काम सुरू करण्यासाठी तातडीने सुरवात करण्याची मागणी केली आहे.

बाणावली-वार्का-नावेली जंक्शनवर अंडरपास बांधण्यासाठी सार्वजनिक बांधकाम खात्यातर्फे रस्ता वळवण्यात येणार आहे. मात्र यामुळे अपघातांची संख्या वाढण्याची भीती परेरा यांनी व्यक्त केली आहे.

ते म्हणाले की वळणासाठी असलेला रस्ता जीर्ण तसेच खराब यामुळे वाहनचालकांना त्रास होण्याची शक्यता आहे. त्याचा परिणाम वाहतुकीवर झाला आहे. या ठिकाणी कापडी साहित्य आणि लोखंडी रॉडसह इतर सामान ठेवण्यात आले आहे, याकडे लक्ष वेधून परेरा यांनी चिंता व्यक्त केली की या पडलेल्या रॉडमुळे वाहनचालकांना धोका निर्माण होत आहे.

याबाबत सरकारने वेळीच योग्य उपाययोजना आखावी अशी मागणी परेरा यांनी केली आहे.