Goa Accident: सिरसई पेट्रोल पंपनजीक झालेल्या अपघातातील जखमीचे निधन

Goa Accident सिरसई पेट्रोल पंप येथे सहा दिवसांपूर्वी झालेल्या अपघातात एका 23 वर्षीय युवकाचा उपचारादरम्यान गोमेकॉत मृत्यू झाला. संज्योत मांद्रेकर (शिरगाव) असे मृताचे नाव आहे. याप्रकरणी कोलवाळ पोलिसांनी या अपघातास कारणीभूत ठरलेल्या कार चालक रॉयस्टन फोन्सेका(माडेल-थिवी) यांच्याविरोधात गुन्हा नोंद केलाय.

पोलिसांच्या माहितीनुसार, हा गेल्या सोमवारी दुपारी झाला होता. मृत संज्योत हा सिरसई पेट्रोल पंपाजवळ रस्ता ओलांडत असताना अस्नोडा बाजूने येणाऱ्या चारचाकी कारने त्याला धडक दिली.

या अपघातात दुचाकी चालक व त्याच्या गाडीमागे बसलेला मित्र खाली पडून दोघेही जखमी झाले. दोघांना उपचारासाठी रुग्णालयात हलवण्यात आले. यावेळी दुचाकीस्वाराला उपचारानंतर घरी सोडण्यात आले. तर अपघातात जखमी झालेल्या चालकाचा उपचारादरम्यान शनिवारी रात्री मृत्यू झाला. त्याच्या डोक्याला दुखापत झाली होती.