Goa Accident Case: पर्वरी आणि वेर्णा येथे अपघात; अपघातांची मालिका सुरुच

Goa Accident Case: रविवारी दुपारपर्यंतच्या सत्रात राज्यात दोन अपघातांची नोंद झाली असून सकाळी पर्वरी राष्ट्रीय महामार्गावर दोन कारमध्ये भीषण अपघात झाला.

या अपघातात चुकीच्या दिशेने येणाऱ्या कारचा समोरून येणाऱ्या कारला धडक बसली असून या अपघातात एक कार पलटली आहे. या अपघातात कुणी जखमी झाले असल्याची माहिती समजू शकली नाही.

तसेच रविवारी दुपारच्या सत्रात वेर्णा (IDC) ओद्योगिक वसाहत रासय येथे कोळसा वाहतूक करणारा ट्रक पलटला असून याही अपघातात कुणी जखमी झाले असल्याची माहिती समजू शकले नाही.

तसेच हा अपघात कास घडला हेही समजू शकले नाही. या दोन्ही अपघातांच्या पंचनामाबाबतही कोणतीही माहिती समजू शकले नाहीय.

सध्या राज्यात अपघातांचे सत्र वाढत असून बरेचसे अपघात हे वाहतुकीचे नियम न पाळल्याने होत असल्याचे दिसून आले आहे.

शुक्रवारी रात्रीच्या सुमारास काकोडा औद्योगिक वसाहतीजवळ आणि गवंडळी मार्गावर अपघात झाले असून या दोन्ही अपघातात दोन्ही चालक गंभीर जखमी झाले होते.