दाबोळी येथे भीषण अपघात; 19 वर्षीय मुलीचा मृत्यू..!

Goa Accident Case : राज्यात आपघाताचे (Accident) सत्र वाढत असतानाच नुकत्याच हाती आलेल्या माहितीनुसार,19 वर्षीय एलिझा देवी लैश्राम (Eliza Devi Laishram) हिचा सोमवारी, 6 डिसेंबर 2021 रोजी पहाटेच्या सुमारास दाबोली येथे अपघात झाला. या अपघातात संबंधित तरुणीचा मृत्यू झाला असून ही तरुणी गोव्यातील (Goa) एका नामांकित हॉटेलमध्ये प्रशिक्षणार्थी होती.

वास्को (Vasco) पोलीस ठाण्यातील सूत्रांनी दिलेल्या माहितीनुसार,

"अपघाताची नोंद पहाटे 2 वाजण्याच्या सुमारास झाली असून, क्रेटा कारमध्ये चालक, मयत मुलगी आणि आणखी एक प्रशिक्षणार्थी विद्यार्थी असे तीन जण होते. कार विमानतळाच्या दिशेने जात असताना चालकाचे नियंत्रण सुटले आणि गाडी विमानतळाजवळ पार्क केलेल्या ट्रेलरला धडकली; धडक इतकी भीषण होती की कारमध्ये मागे बसलेल्या मृत तरुणीचा जागीच जीव गेला, इतर प्रवासी गंभीर जखमी झाले असून त्यांना GMC रुग्णालयात हलवण्यात आले आहे. वास्को पोलिसांनी घटनास्थळी धाव घेतली. दरम्यान माहिती घेऊन पंचनामा केला.