गोवेकरांनो ‘आप’ ला संधी द्या: केजरीवाल

पणजी: केवळ आपली तिजोरी भरण्यासाठी सलग निवडणुका लढणाऱ्या परंपरागत पक्षांना पाठिंबा देणे थांबवावे आणि इतर प्रामाणिक पक्षाला संधी द्या, असे आवाहन दिल्लीचे मुख्यमंत्री आणि आम आदमी पक्षाचे राष्ट्रीय संयोजक अरविंद केजरीवाल यांनी केले. 48 तासांत आठ सभांतून उमेदवारांचा प्रचार केला.

केजरीवाल यांनी शिरोडा, बाणावली , नावेली, कुठ्ठाळी आणि वेळी येथे मोठ्या जनसभेला संबोधित केले. जनसभेला संबोधित करताना केजरीवाल यांनी सत्ताधारी भाजप आणि विरोधी पक्ष काँग्रेसवर जोरदार निशाणा साधला, गोव्याच्या स्थितीवर कोणत्याही पक्षाने सरकार स्थापन केले, तरी त्याचा परिणाम होणार नाही. काँग्रेसने 27 वर्षे राज्य केले, तर भाजपने 15 वर्षे राज्य केले. तुम्ही त्यांना आणखी पाच वर्षे दिली, तर काहीही बदलणार नाही असे केजरीवाल म्हणाले.

भाजपामुळे कर्ज

भाजप-काँग्रेसवर टीका करत केजरीवाल म्हणाले, सरकारच्या भोंगळ कारभारामुळे 24 हजार कोटींचे राज्यावर कर्ज आहे. तुम्ही त्यांना पुन्हा मत दिल्यास, राज्याचे कर्ज पाच वर्षांत 50 हजार कोटी रुपये आणि नंतर 1लाख कोटी रुपये होईल. आप हा संपूर्ण कर्ज फेडेल आणि राज्याला कर्ज मुक्त करेल.

केजरीवाल यांनी आश्वासन दिले, जर त्यांचा पक्ष कामगिरी करू शकला नाही, तर ते पुढच्या वेळी मत मागायला येणार नाही. काँग्रेसला मतदान करणे म्हणजे भाजपला मतदान होईल. दिल्लीने आम आदमी पक्षाला संधी दिली, मला गोव्याने संधी द्यावी, तर गोव्याचा चौफेर विकास होईल