वास्कोतील दुकानात चोरी; 20 हजारांची रोकड केली लंपास

वास्को : वास्को येथील पाळीव प्राण्यांच्या दुकानाच्या काउंटरवरुन 20 हजारांची रोकड चोरणाऱ्या अल्पवयीन मुलगी आणि दोन महिलांचा पोलीस शोध घेत आहेत. ही घटना सीसीटीव्ही कॅमेऱ्यात कैद झाली आहे.

पोलिसांनी दिलेल्या माहितीनुसार, सीसीटीव्ही फुटेजमध्ये तिघे वास्कोतील पाळीव प्राण्यांच्या दुकानात प्रवेश करताना स्पष्ट दिसत आहेत. अल्पवयीन मुलीने कॅश काउंटरचे ड्रॉवर उघडले असताना दुकानातील काउंटरवरील कर्मचारी उत्पादनांची चौकशी करणाऱ्या दोन महिलांबरोबर बोलत होता. सीसीटीव्ही फुटेजमध्ये ती अल्पवयीन मुलगी सर्व रोकड बॅगेत टाकून घाईघाईने दुकानातून बाहेर पडताना दिसत आहे. वास्को पोलीस या महिला आणि मुलाचा शोध घेत असून सध्या तपास सुरू आहे.