Goa Board result 2023 गोवा माध्यमिक आणि उच्च माध्यमिक शिक्षण मंडळाने (GBSHSE) माध्यमिक शाळा प्रमाणपत्र (SSC) परीक्षेचा म्हणजेच 10वीचा निकाल आज म्हणजेच 20 मे रोजी जाहीर केला आहे.
पर्वरी येथील शिक्षण विभागाच्या कार्यालयातील परिषद सभागृहात हा निकाल जाहीर करण्यात आला. यंदाचा दहावीचा निकाल 96.64 टक्के लागला आहे.
मागील वर्षी 92.7 टक्के निकाल लागला असून यंदा त्यांत सुधारणा होऊन हा निकाल 96.64 टक्के इतका लागला आहे. एकूण 19 हजार 958 विद्यार्थ्यांनी परीक्षा दिली होती.
पैकी 19 हजार 288 विद्यार्थी उत्तीर्ण झाले आहेत. यामध्ये 96.92 टक्के मुली उत्तीर्ण झाल्या असून 96.37 टक्के मुले उत्तीर्ण झाली आहेत.
पेडणे तालुक्यात उत्तीर्ण झालेल्या विद्यार्थ्यांची टक्केवारी सर्वाधिक म्हणजेच 98.84 इतकी आहे तालुक्यातील 1036 विद्यार्थ्यांपैकी 1024 विद्यार्थी उत्तीर्ण झाले आहेत.
तर मुरगाव तालुक्यात सर्वात कमी 95.16 टक्के विद्यार्थी उत्तीर्ण झाले आहेत. मुरगाव तालुक्यातील 1737 विद्यार्थ्यांपैकी 1653 विद्यार्थी उत्तीर्ण झाले आहेत.
येथे पहा तुमचा निकाल-
हा निकाल मंडळाची अधिकृत वेबसाइट results.gbshsegoa.net तुम्ही भेट देऊन तुमचा निकाल तपासू शकता.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.