Gavandali: गवंडाळीतील उड्डाण पुलाच्या कामाला गती द्या! प्रवाशांची मागणी;अरुंद रस्त्यावर अडथळा, वाहनचालकांना त्रास

Gavandali Old Goa Railway Bridge Work: उड्डाणपुलाच्या कामासाठी रस्ता बंदचा आदेश देऊनही कामाला सुरवात झाली नव्हती. अखेर जूनमध्ये कामाला सुरुवात झाली; पण दोन-तीन महिने उशिरा.
Gavandali Old Goa Railway Bridge Work
Gavandali Old Goa Railway Bridge WorkDainik Gomantak
Published on
Updated on

खांडोळा: गवंडाळी-जुने गोवे मार्गावर सध्या रेल्वे उड्डाण पुलाचे काम सुरू असून या कामाला अद्याप गती मिळालेली नाही. ते संथ गतीने चालले आहे. गेल्या दहा-बारा दिवसांपासून सकाळी १० ते संध्याकाळी ५ वाजेपर्यंत हा रस्ता वाहतुकीसाठी बंद ठेवण्यात येतो. या काळात विनाअडथळा काम गतीने होणे अपेक्षित असूनही कामात प्रगती दिसत नाही. हे काम गतीने करावे, अशी प्रवाशांची मागणी आहे.

या ठिकाणी दिवसभर केलेल्या कामामुळे रस्त्यावर माती, खडी पडलेली असते. त्यामुळे रात्री वाहनचालकांना वाहन चालवताना अडथळा निर्माण होत आहे. उड्डाणपुलाच्या कामासाठी रस्ता बंदचा आदेश देऊनही कामाला सुरवात झाली नव्हती. अखेर जूनमध्ये कामाला सुरुवात झाली; पण दोन-तीन महिने उशिरा.

जुने गोवेच्या बाजूने गतीने कामाला सुरवात झाली. चार ते सहा कॉलमसाठी खोदाई करण्यात आली. तेथे काँक्रिटही घालण्यात आले. काही कॉलम उभे राहिले, पण गवंडाळीच्या बाजूने मात्र कामाला उशिरा सुरवात केली. त्या बाजूला फक्त पत्रेच मारण्यात आले.

Gavandali Old Goa Railway Bridge Work
वाहतूक कोंडी नंतर नियमांत बदल; गवंडाळी धावजी रस्ता सकाळी दहा आणि पाचनंतर खुला

त्यामुळे रस्ता अरुंद झाला. शिवाय बाजूला पाणी साचत आहे, तेथे दिवाबत्तीची सोय नाही. त्यामुळे संध्याकाळी पाचनंतर या मार्गावरून वाहतूक करणाऱ्यांना नाहक त्रास सहन करावा लागत आहे.

Gavandali Old Goa Railway Bridge Work
Goa Road Closed: रेल्वे ओव्हरब्रीज बांधकामामुळे गवंडाळी रस्ता वाहतुकीसाठी वर्षभर बंद!!

आमदारांनी लक्ष द्यावे!

कुंभारजुवेचे फळदेसाई यांनी या मार्गावरील प्रवाशांच्या सोयीसाठी गवंडाळी-जुने गोवे रस्ता सकाळी १० वाजेपर्यंत आणि संध्याकाळी ५ नंतर खुला ठेवण्यासंदर्भात संबंधितांशी चर्चा करून तोडगा काढला. सध्या बाजूची माती, खडी रस्त्यावर येत असल्यामुळे संध्याकाळी या मार्गावरून प्रवास करणाऱ्यांना अडचणीचे ठरत आहे. आमदारांनी लक्ष घालून ही समस्या सोडवावी, अशी मागणी वाहनचालक करत आहेत.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com