Kelshi News : केळशी पंचायत क्षेत्रात कचरा समस्या गंभीर

Kelshi News : कुठ्ठाळीकेळशी पंचायत क्षेत्रात सध्या ओल्या कचऱ्याची योग्य विल्हेवाट होत नसल्याने कचरा समस्येने गंभीर रूप धारण केले आहे.

याबाबत सरपंचांना काहीच पडून गेलेले नाही, असे लोक बोलत आहेत. खुद्द सरपंचांच्याच प्रभागामध्ये कचरा आणून टाकला जात असल्याने त्याचा विपरित परिणाम होऊन रोगराई पसरण्याची शक्यता टाळता येत नाही.

या कचरा समस्येमुळे जवळपास असलेल्या विहिरी प्रदूषित होण्यास वेळ लागणार नाही. सरपंच किंवा केळशी पंचायतीने याबाबत योग्यवेळी दखल घेतली नाही तर आरोग्यासंबंधीच्या समस्या उपस्थित होऊ शकतात. हा कचरा गेल्या अनेक दिवसांपासून येथे डंप केलेला आहे.