Valpoi: रस्त्यावर कचऱ्याचे साम्राज्य! म्हाऊस पंचायतीचे दुर्लक्ष

वाळपई: म्हाऊस पंचायत क्षेत्रातील नागवे येथे वाळपई-रेडेघाट रस्त्यालगत वारंवार मोठ्या प्रमाणात कचरा फेकला जात असल्याने येथील नागरिकांनी संताप व्यक्त केला जात आहे. सध्या या परिसरात कचऱ्याचे साम्राज्य पसरले असून येथून ये-जा करणाऱ्या प्रवाशांना दुर्गंधीचा त्रास सहन करावा लागत आहे.

वाळपई-होंडा मुख्य रस्त्याच्या बाजूला रेडेघाट येथे अज्ञात व्यक्तींकडून मोठ्या प्रमाणात कचरा फेकला जात आहे. या कचऱ्यामुळे हा परिसर गलिच्छ बनला आहे. या कचऱ्यामधील खाद्यपदार्थ खाण्यासाठी भटकी कुत्री, मोकाट जनावरे या भागात ठाण मांडून बसतात. त्यामुळे अपघातांचा धोका नाकारता येत नाही.

तसेच या परिसरात दुर्गंधी पसरल्याने रस्त्यावरून ये-जा करताना प्रवाशांना नाक दाबून धरावे लागते.

या ठिकाणी अनेकवेळा कचरा फेकला जातो. नंतर पंचायत ही जागा स्वच्छ करते. मात्र, काही दिवसांनी पुन्हा हीच स्थिती निर्माण होते. त्यामुळे या ठिकाणी कचरा फेकणाऱ्यांवर कठोर कारवाई करावी, अशी मागणी करण्यात येत आहे.

फलक, ‘सीसीटीव्ही’ची मागणी

वाळपई पालिका व म्हाऊस पंचायतीतर्फे दररोज घरोघरी कचरा उचलण्याची सोय केली आहे. तरीही काहीजण घरातील व अन्य कचरा याठिकाणी फेकतात. या ठिकाणी पंचायतीतर्फे कचरा फेकू नये यासंबंधीचा फलक तसेच सीसीटीव्ही कॅमेरा बसवावा, अशी मागणी म्हाऊसच्या ग्रामसभेत अनेकदा केली आहे. तसे आश्वासनही पंचायतीने दिले. मात्र, अद्याप त्याची पूर्तता केलेली नाही.

म्हादई नदीत प्रदूषण

फलक, ‘सीसीटीव्ही’ची मागणी: वाळपई पालिका व म्हाऊस पंचायतीतर्फे दररोज घरोघरी कचरा उचलण्याची सोय केली आहे. तरीही काहीजण घरातील व अन्य कचरा याठिकाणी फेकतात. या ठिकाणी पंचायतीतर्फे कचरा फेकू नये यासंबंधीचा फलक तसेच सीसीटीव्ही कॅमेरा बसवावा, अशी मागणी म्हाऊसच्या ग्रामसभेत अनेकदा केली आहे. तसे आश्वासनही पंचायतीने दिले. मात्र, अद्याप त्याची पूर्तता केलेली नाही.