राज्यातील कचऱ्याची समस्या दिवसेंदिवस गहन होत चालली आहे. ठिकठिकाणी रस्त्याच्या कडेला कचऱ्याचे ढीग साठल्याने वातावरणात दुर्गंधी पसरत चालली आहे. मेरशी-सांताक्रुज बायपास परिसर पणजी - मडगाव/वास्को वाहतुकीसाठी अत्यंत महत्वाचा मार्ग आहे. पण या मार्गावर कचऱ्याचे साम्राज्य पसरले असल्याची तक्रार वाहनचालक आणि रहिवासी करत आहेत.
मेरशी तसेच सांताक्रुज ग्रामपंचायत कर आकारून घरोघरी जाऊन कचरा गोळा करत असतानाही महामार्गावर दुर्गंधीयुक्त कचरा टाकण्यात येत आहे. रहिवाशांनी याबाबत नाराजी व्यक्त केली असून पंचायतीने कारवाई करून कचऱ्याची योग्य विल्हेवाट लावण्याची विनंती केली आहे.
पंचायतीच्या बैठकीत रहिवाशांनी आपल्या या तक्रारी मांडल्या असून परिसरावर लक्ष ठेवण्यासाठी सीसीटीव्ही कॅमेरे बसवण्याची विनंती केली आहे. परंतु अद्याप ही उपाययोजना लागू करण्यात आलेली नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.