Sonsodo Garbage Plant: सोनसोडो कचरा प्रकल्पातील कचरा उचलण्यास अखेर सुरुवात; परिसर होणार दुर्गंधीमुक्त

Sonsodo Garbage Plant: सोनसोडो कचरा प्रकल्पाचा बऱ्याच कालावधीपासून रखडला होता. तिथे साठवलेल्या कचऱ्यामुळे परिसरात दुर्गंधीचे साम्राज्य पसरले होते. येथील इतक्या वर्षांपासून साठवून ठेवलेला कचरा उचलण्याची आणि संबंधित कामांची प्रक्रिया आता सुरू झाली आहे.

जानेवारी महिन्याच्या अखेरपर्यंत सोनसोडो कामे पूर्ण होतील नव्या प्रकल्पाबाबत गोवा घनकचरा व्यवस्थापन महामंडळाकडून हालचाली सुरू आहेत, अशी माहिती आमदार दिगंबर कामत यांनी दिली. आमदार कामत यांनी प्रसार माध्यमांशी बोलताना सोनसोडो कचऱ्याचा प्रश्न जानेवारी पर्यंत सुटेल असे सांगितले.

कामत पुढे म्हणाले की, सोनसोडो प्रकल्पाची आपण नुकतीच पाहणी केलेली आहे. कचरा प्रकल्पातील इतक्या वर्षातील कचऱ्याची विल्हेवाट लावणार असे आपण सांगितलेले होते. त्यानुसार आता काम सुरू आहे प्रकल्पाच्या जागेवरील सुमारे 85 टक्के काम पूर्ण झालेले आहे. कचरा उचल करण्यात आलेली असून आता त्या ठिकाणी दुर्गंधी येत नाही.