Ganjem Temple Theft: गांजे येथील गांजेश्वरी, शांतादुर्गा मंदिरात चोरी; फंडपेटी फोडून दोन लाखांचा ऐवज लंपास

Ganjem Temple Theft News: गोव्याच्या फोंडा तालुक्यातील गांजे येथील गांजेश्वरी आणि शांतादुर्गा मंदिरात चोरी झाली आहे. या मंदिरांमधील फंडपेटी फोडून अज्ञात चोरट्यांनी सुमारे दीड ते दोन लाखाचा ऐवज लंपास केला आहे. दरम्यान, या घटनेची माहिती मिळताच पोलिसांनी तातडीने मंदिरात धाव घेतली.

सध्या पोलिसांनी चोरट्यांचा माग काढायला सुरवात केली आहे. त्यादृष्टीने पोलिस देवस्थानच्या विविध पदाधिकाऱ्यांसह आजूबाजूला चौकशी करत आहेत. या चोरीमध्ये फंडपेटीतील रोकड तसेच मंदिरातील समई चोरून नेल्या आहेत. एकूण मुद्देमाल दीड ते दोन लाख रूपयांचा असल्याचे सांगितले जात आहे.

देवस्थानचे मंदीर हा ग्रामस्थांचा जिव्हाळ्याचा विषय असल्याने यातील दोषींना माग काढून तातडीने अटक करावी, त्यांच्यावर कठोर कारवाई करावी, अशी मागणी ग्रामस्थांनी पोलिसांकडे केली आहे.