Crime News : पणजी, राज्य न्यायवैद्यक विज्ञान प्रयोगशाळेने दिलेल्या अहवालात संशयित रोनित चोणकर याच्याकडे सापडलेला पदार्थ हा गांजा असल्याचे स्पष्ट झाले आहे, त्यामुळे त्याच्याविरुद्ध आरोप निश्‍चित करून खटल्यावरील सुनावणी सुरू करण्याचा आदेश म्हापसा अतिरिक्त सत्र न्यायाधीश शर्मिला पाटील यांनी दिला आहे.
म्हापसा पोलिसांनी संशयित रोनित चोणकर याच्याविरुद्ध आरोपपत्र सादर केले होते. त्यावरील सुनावणीवेळी संशयिताच्या वकिलांनी आरोप निश्‍चितीला विरोध करताना त्याच्याकडून जप्त केलेला हा गांजा नसून ती एका विशिष्ट प्रकारीच झुडपे असल्याचा दावा केला होता.
मात्र म्हापसा पोलिसांनी प्रयोगशाळेने दिलेला अहवालच सादर केल्याने तो अंमलीपदार्थ असल्याचे उघड झाल्याने संशयिताचा दावा फेटाळण्यात येऊन आरोप निश्‍चित करण्याचे निर्देश देण्यात आले.
करासवाडा - म्हापसा येथील आयडीसीजवळ म्हापसा पोलिसांनी संशयित रोनित चोणकर याला २.०५० किलो गांजाप्रकरणी अटक केली होती.
त्याची किंमत सुमारे २ लाख रुपये होते. पोलिसांनी याप्रकरणी तपास करून न्यायालयात आरोपपत्र सादर केले होते व जप्त करण्या आलेल्या अंमलीपदार्थाचा नमुना वेर्णा येथील राज्य न्यायवैद्यक प्रयोगशाळेत तपासणीसाठी पाठवला होता.
पोलिसांनी संशयिताकडून काही झुडपे जप्त करण्यात आली त्याला बिया, पाने व फांद्या होत्या त्याचेही नमुने पाठवण्यात आले होते. गांजा उत्पादन करण्यात येत असलेल्या झुडपाचे असल्याचे सादर केलेल्या अहवालात नमूद केल्याने हा पुरावा संशयिताविरुद्ध आरोप निश्‍चित करण्यात पुरेसे आहेत.
गांजाची झुडपे असलेली पिशवी पोलिसांनी संशयिताकडून जप्त करण्यात आली होती त्याचा आरोप निश्‍चितीवेळी संशयिताने विरोध केलेला नाही. त्यामुळे एनडीपीस कलम २२(सी) खाली आरोप निश्‍चित करण्याचे निर्देश देण्यात येत आहेत असे न्यायालयाने म्हटले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.