![Ganesh Chaturthi 2023 Goa](http://media.assettype.com/dainikgomantak%2F2023-09%2F7d455739-7a2f-4d93-89ae-c157bbe167ee%2FUntitled_design__30_.png?w=480&auto=format%2Ccompress&fit=max)
Ganesh Chaturthi 2023 Goa: गोव्यात गणेशोत्सवाच्या काळात कोणताही अनुचित प्रकार घडू नये यासाठी विविध पथकांसह 3,000 पोलीस तैनात करण्यात आले आहेत. यामध्ये IRB तुकड्या, दहशतवाद विरोधी आणि बॉम्ब निकामी पथकांचाही समावेश आहे.
गणेशोत्सव गोव्यातील एक सर्वात मोठा आणि थाटामाटात साजरा होणारा सण आहे. अलिकडच्या काळात राज्यात निर्माण झालेल्या विविध धार्मिक तणावपूर्ण घटनांच्या पार्श्वभूमीवर प्रशासनाच्या वतीने अधिक काळजी घेतली जात आहे.
गणेशोत्सव काळात घ्यायच्या काळजीबद्दल पोलिसांच्या वतीने सार्वजनिक मंडळांसाठी यापूर्वीच नियमावली जाहीर करण्यात आली आहे. मंडळांना उत्सवाच्या ठिकाणी सीसीटीव्ही कॅमेरे बसवण्यासाची सूचना करण्यात आली आहे.
याशिवाय मंडळाच्या ठिकाणी खासगी सुरक्षा रक्षकांची नेमणूक केली जावी, पोलीस केवळ रात्रीच्या वेळी सुरक्षा प्रदान करतील असेही मार्गदर्शक सूचनांमध्ये म्हटले आहे.
दरम्यान, प्रशासनाच्या वतीने खबरदारी म्हणून राज्यात 3,000 पोलीस तैनात केले आहेत.
उत्सव काळात भारतीय रिझर्व्ह वटालियन पोलिसांच्या उत्तर आणि दक्षिण प्रत्येकी सात तुकड्या अशा 14 तुकड्या तैनात असतील.
तसेच, स्थानिक पोलीस स्थानकातील कर्मचाऱ्यांसह गोवा पोलिसांचे दहशदवादी विरोधी पथक, रॅपिड फोर्स, बॉम्ब निकामी पथकातील पोलीस असे मिळून 3,000 पोलीस सुरक्षेसाठी तैनात करण्यात आले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.