गालजीबाग नदीची खाडी बदलतेय आपली भौगोलिक रचना

काणकोण: गालजीबाग नदीची (Galjibag River) खाडी बाबरे- माशे येथे मुखाजवळ आपली भौगोलिक रचना (Geographical structure) बदलत आहे.पावसाळ्यात तौक्ते वादळावेळी गालजीबाग नदीने आपले मुख बदलले होते. किनारा फोडून नदीचे मुख समुद्राला मिळाले होते.

मात्र आता नदीच्या मुखाजवळ तीन वाळूचे दांडे तयार झाले आहेत.सद्या नदी तीन मुखातून समुद्राला मिळत आहे.तौक्ते वादळात मोठ्या प्रमाणात गालजीबाग किनाऱ्यावरील सुमारे पन्नास सुरुच्या झाडांची पडझड झाली होती.त्याचप्रमाणे त्यावेळी सुमारे वीस मीटर समुद्र आत पर्यत घुसला होता.हळूहळू समुद्र किनाऱ्याची भरण प्रक्रिया सुरू झाली आहे.मात्र तौक्ते वादळामुळे गालजीबाग व आगोंद किनाऱ्यावरील सागरी कासवांची घरटीही नष्ट झाली होती.सामान्यपणे ऑक्टोबर महिन्यात सागरी कासवांचे आगमन अंडी घालण्यासाठी किनाऱ्यावर आगमन होते.वनखात्याने भौगोलिक रचना बदलेल्या किनाऱ्याची झीज रोखण्यासाठी प्रयत्न सुरू केले आहेत.