डिचोली: मागील मे महिन्यात झालेल्या चक्रीवादळाच्या (Cyclone) तडाख्यात घरांची पडझड झालेल्या डिचोलीतील दोन गरीब कुटुंबांना रोटरी क्लब ऑफ पणजी रिव्हेराने (Rotary Club of Panaji Rivera) मदतीचा हात देताना त्यांची घरे पुन्हा उभी करून दिली आहेत.
मागील 16 मे रोजी तडाखा बसलेल्या बागवाडा-पिळगाव (Bagwada-Pilgaon) येथील तुळशी वसंत जल्मी आणि गावकरवाडा-नार्वे येथील फटी शेटगावकर या दोन गरीब कुटुंबांच्या घरांची मोडतोड झाली होती. त्यामुळे ही दोन्ही कुटुंबे अडचणीत आली होती. मात्र रोटरी क्लब ऑफ पणजी रिव्हेरा यांच्या पुढाकारातून एस्टिलो आणि जिनो फार्मास्युटिकल्स या कंपनीनी 'सीआरएस' उपक्रमांतर्गत दोन्ही गरीब कुटुंबांची घरे पुन्हा उभी करून दिली आहेत.
शुक्रवारी मयेचे आमदार प्रवीण झांट्ये (Praveen Zantye) एस्टिलो आणि जिनो फार्मास्युटिकल्सचे मालक सागर साळगावकर (Sagar Salgaonkar) आणि पल्लवी साळगावकर आणि रोटरी क्लब ऑफ पणजी रिव्हेराच्या (Rotary Club of Panaji Rivera) पदाधिकाऱ्यांच्या उपस्थितीत या दोन्ही घरांचे संबंधित कुटुंबांकडे हस्तांतरण करण्यात आले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
