![Khandepar Accident](http://media.assettype.com/dainikgomantak%2F2023-07%2F526c8669-827a-4f1d-931a-09ef7ee26739%2Fkhandepar_accident.png?w=480&auto=format%2Ccompress&fit=max)
Khandepar Goa Accident: खांडेपार जंक्शन येथे विचित्र अपघात झाला आहे. या अपघातात ३ दुचाकी, दोन ट्रक आणि एका कारचे नुकसान झाले आहे. एका मालवाहतूक ट्रकने समोरील वाहनाला ओव्हरटेक करण्याच्या नादात समोरून येणाऱ्या वाहनाचा धडक दिली. त्यातून हा अपघात झाल्याचे प्रत्यक्षदर्शींनी सांगितले.
फोंड्याहून उसगाव मार्गे मोलेच्या दिशेने जाणारा ट्रक खांडेपार जंक्शन येथे आल्यावर समोरील वाहनाला ओव्हरटेक करण्याच्या नादात समोरून या मालवाहू ट्रकची धडक उसगावच्या दिशेने जाणाऱ्या ट्रकला बसली. तेव्हा हा ट्रक समोरून येणाऱ्या कारवर आदळला.
मात्र सुदैवाने कार चालक सुखरूप बचावला. ट्रकला धडक दिल्यानंतर मालवाहू ट्रक रस्त्यावर कोसळला. त्यावेळी रस्त्यावर ३ दुचाक्या पार्क करण्यात आल्या होत्या. अपघातात पार्क केलेल्या तिन्ही दुचाक्या मालवाहू ट्रक खाली चिरडल्याने दुचाकी मालकाचे मोठे नुकसान झाले.
अपघातात कुणीच जखमी झालेले नाही. दरम्यान, येथील अर्धवट पुलाचे काम पूर्ण करण्याची गरज व्यक्त होत आहे. या अपघाताची नोंद पोलिसात झाली असून पोलिसांनी पंचनामा केला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.