Goa News: डिचोली येथील एका व्यक्तीचे बनावट आधारकार्ड व पॅनकार्ड बनवून त्याआधारे म्हापशातील एका बँकेत परस्पर खाते उघडून फसवल्याप्रकरणी चौघांच्या टोळीला म्हापसा पोलिसांनी गजाआड केले.
अटक केलेल्यांत रझाक बेलवाडी (२६, आमीरांदोवाडा पेन्ह दी फ्रान्स, पर्वरी), गौतम कोरगावकर (३८, ग्रॅण्ड चिवार हणजूण), देवानंद कवळेकर (४३, मायनावाडा, पिळर्ण) व राहूल पाडलोस्कर (३८, बोक दी वॉक, पणजी) यांचा समावेश आहे.
मुकूंद सखाराम राऊत (साळ, डिचोली) यांनी दाखल केलेल्या तक्रारीच्या आधारे म्हापसा पोलिसांनी ही कारवाई केली.
१२ फेब्रुवारी अगोदर हा गुन्हा घडला. टीजेएसबी बँकेचे कर्मचारी चौकशीसाठी फिर्यादींच्या घरी गेले, तेव्हा प्रकार उघडकीस आला.
खातेच उघडले नाही; सांगताच प्रकार उघड
फिर्यादी मुकूंद राऊत यांच्या नावे 3.5 लाखांचा व्यवहार झाला होता. पण अधिकाऱ्यांना त्यांनी आपण खाते उघडले नसल्याचे सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
