Kali Tiger Project Officer: गोव्याच्या सीमेवर वन अधिकाऱ्याचा मृत्यू; पाय घसरून पडला नदीत...

गोवा-कर्नाटक सीमेवरील कुवेशी नदीत पडून एका वनाधिकाऱ्याचा मृत्यू झाल्याचे समोर येत आहे. पवन कुमार असे या अधिकाऱ्याचे नाव आहे. ते काली व्याघ्र राखीव वन संशोधन केंद्रात अधिकारी होते. (Kali Tiger Project Officer Death at Kuveshi River on Goa-Karnataka Border)

आपल्या दोन सहकाऱ्यांसह पवनकुमार कुवेशीच्या जंगलात गेले होते. यावेळी कुवेशी नदी ओलांडताना त्यांचा पाय घसरला आणि ते पाण्यात पडले, त्यात त्यांचा मृत्यू झाला, असे त्यांच्या सहकाऱ्यांनी सांगितले आहे. कुवेशी नदी ही गोवा-कर्नाटक सीमेवर आहे.

याप्रकरणी कुळे पोलिस ठाण्यात गुन्हा दाखल करण्यात आला आहे. पोलिस निरीक्षक सगुण सावंत यांच्या मार्गदर्शनाखाली पोलिस उपनिरीक्षक अजय धुरी यांच्या पथकाने शवविच्छेदन करून मृतदेह नातेवाईकांच्या ताब्यात दिला.