सुलभ शौचालयासाठी दुप्पट दर आकारला जातोय? इथे करा तक्रार, गोवा पर्यटन खात्याची हेल्पलाईन

Public Toilets Goa: आवश्यक डागडुजीनंतर वागातोरचे सुलभ शौचालय कार्यान्वित करूः मंत्री खंवटे
सुलभ शौचालयासाठी दुप्पट दर आकारला जातोय? इथे करा तक्रार, गोवा पर्यटन खात्याची हेल्पलाईन
Sulabh Toilet ComplexDainik Gomantak
Published on
Updated on

वागातोर समुद्र किनारी असलेले सार्वजनिक सुलभ शौचालय आवश्यक त्या डागडुजीअंती प्राधान्याने एका महिन्याच्या आत कार्यान्वित केले जाईल असे आश्वासन पर्यटनमंत्री रोहन खंवटे यांनी आज (24 जुलै) गोवा विधानसभेत दिले.

शिवोलीच्या आमदार दिलायला लोबो यांनी प्रश्नोत्तराच्या तासाला उपस्थित केलेल्या प्रश्नावर ते उत्तर देत होते. सुलभ शौचालय नादुरूस्त असल्यामुळे पर्यटकांना अडचणीचे ठरत आहे. त्यामुळे ते योग्य ती दुरूस्ती करून लवकर कार्यान्वित करण्याची मागणी लोबो यांनी केली होती.

मागील 14 जुलै रोजी या शौचालयाची पाहणी केली असून संबंधित कंत्राटदाराला सांगून काम लवकर पूर्ण करण्याकडे लक्ष देण्याचे अभिवचनही खंवटे यांनी दिले.

पर्यटकांसाठी दामदुप्पट दर आकारले जात असल्याचा आरोप लोबो यांनी केला व वापराविषयीचे दर फलक बाहेर लावण्याची सूचना त्यांनी पर्यटनमंत्र्यांनी केली. ती मागणी पर्यटनमंत्री खंवटे यांनी मान्य केली.

सुलभ शौचालयासाठी दुप्पट दर आकारला जातोय? इथे करा तक्रार, गोवा पर्यटन खात्याची हेल्पलाईन
Sunburn Goa: दक्षिणेत सनबर्नची शक्यता मावळली? किटल-बेतुल येथील प्रस्ताव IDC ने नाकारला

तसेच पर्यटनमंत्री खंवटे यानी सांगितले की, जर कोणी अधिक शुल्क आकारत असल्यास त्याची तक्रार 1364 या मदत वाहिनी क्रमांकावर दिल्यास योग्य कारवाई केली जाईल.

वागातोर किनारी तीन प्रसाधनगृहे असून दोघांची डागडुजी लवकर करून तिसरा गरजेचा आहे की, काय याची शहानिशा करून त्याविषयी निर्णय घेण्याचे आश्वासन खंवटे यांनी सभागृहात दिले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com