पणजी: अन्न व औषध प्रशासनाकडून २०२२ ते २०२४ या दोन वर्षांत अस्वच्छ, भेसळयुक्त किंवा कालबाह्य पदार्थ विक्री करणाऱ्या व्यावसायिकांवर १,८४१ छापे टाकण्यात आले.
२०२३ या वर्षात १.५५ लाखांचा दंड वसूल करण्यात आला. राज्यभरातील केक, पेस्ट्री, मिठाई, फास्ट फूड आउटलेट्स, गाड्या, आठवडी बाजार यासह विविध ठिकाणी अन्न व पेय पदार्थांच्या गुणवत्तेच्या तपासणीसाठी ही कारवाई करण्यात आली.
प्रशासनाने दिलेल्या माहितीनुसार, ‘एफएसएसएआय’च्या सहकार्याने ‘एफडीए’कडे अत्याधुनिक ‘फूड सेफ्टी ऑन व्हील्स’ या दोन मोबाइल प्रयोगशाळा उपलब्ध आहेत. या प्रयोगशाळांद्वारे स्थानिक बाजारपेठा आणि दुर्गम भागांमध्ये खाद्यपदार्थांची त्वरित चाचणी करता येते. नागरिकांना नाममात्र शुल्क भरून त्यांच्या अन्न पदार्थांचे परीक्षण करण्याची सुविधा उपलब्ध आहे.
एफडीए अधिकारी आणि अन्न सुरक्षा पथके राज्यातील दोन्ही जिल्ह्यांमध्ये अचानक तपासण्या करतात. यावेळी अन्न व्यवसाय ठिकाणांची तपासणी, परवाना नसलेल्या व्यवसायांविरोधात कारवाई, फळे, भाजीपाला, मासे, पॅकेज्ड खाद्यपदार्थांचे नमुने घेऊन चाचणी, अन्नसुरक्षेवरील जनजागृती अभियान आणि पुन्हा वापरण्यात येणाऱ्या वापरलेल्या तेलाच्या तपासण्या केल्या जातात.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
