राकेश झुनझुनवाला यांची मुख्य भागिदारी असलेल्या 'अकासा एयरलाईन्स'ची मागील काही महिन्यापूर्वी हवाई वाहतूक क्षेत्रात एन्ट्री झाली. कंपनीने सुरूवातीला देशांतर्गत विमान वाहतूकीला सुरूवात केली आहे. त्यानंतर आता आणखी एक नवी कंपनी हवाई वाहतूक क्षेत्रात दाखल झाली आहे.
फ्लाई-91 असे या कंपनीचे नाव असून, कंपनी सुरूवातीला मर्यादीत ठिकाणांवर वाहतूक सुविधा पुरवणार आहे.
रिजनल कनेक्टेव्हीटी स्किम अंतर्गत उडान 5.0 मार्गांची घोषणा करण्यात आली आहे. सरकारकडून सर्व परवानग्या मिळाल्यानंतर ऑक्टोंबर- नोव्हेंबरपासून कंपनी प्रवासी सेवा सुरू करण्याची शक्यता आहे. सुरूवातीला चिपी, सिंधुदुर्ग, जळगाव, नांदेड व अगाती (लक्षद्वीप) या ठिकाणांहून गोवा, पुणे, बेंगलोर व हैद्राबाद या शहरांकरिता प्रवासी विमानसेवा सुरू केली जाणार आहे.
विशेष बाब म्हणजे कंपनीचा मुख्य कार्यालय किंवा हब गोव्यातील मनोहर आंतरराष्ट्रीय विमानतळ येथे असणार आहे. विमानांचे सर्व्हिसिंग व प्रशासकीय सेवा येथूनच नियंत्रित केल्या जातील.
फ्लाई-91 विमान सेवांची दोन प्रकारात विभागणी करण्यात आली आहे. यात 20 ते 80 आसनी आणि 80 आसनांपेक्षा जास्त क्षमतेची विमानसेवा अशी विभागणी असेल. विमानसेवेसाठी कंपनीने 200 कोटींची गुंतवणूक केल्याची माहिती समोर आली आहे. कंपनीच्या ताफ्यात ATR 72 प्रकारातील विमाने असतील.
फ्लाई-91 या नव्या विमानसेवेमुळे देशांतर्गत कनेक्टिव्हीटी वाढण्यास मदत होणार आहे. तसेच, यामुळे प्रवासाचा वेळ देखील वाचणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.