डिचोली, सामाजिक बांधिलकी उपक्रमाखाली (सीएसआर) कॅनरा बँकेकडून डिचोली पालिकेला फुलझाडांच्या मोठ्या कुंड्या देण्यात आल्या. पालिकेत आयोजित एका विशेष कार्यक्रमात या कुंड्या पालिकेच्या स्वाधीन करण्यात आल्या.
‘सीएसआर’अंतर्गत विविध प्रकारच्या फुलझाडांच्या ६० कुंड्या देण्यात आल्या आहेत.
यावेळी मुख्याधिकारी सचिन देसाई, नगराध्यक्ष कुंदन फळारी, उपनगराध्यक्ष दीपा पळ, नगरसेवक विजयकुमार नाटेकर, नीलेश टोपले, ॲड. रंजना वायंगणकर, सुखदा तेली, कॅनरा बँकेच्या डिचोली शाखेचे व्यवस्थापक सुहास माळी, अधिकारी सुषमा दोराईद आणि बँकेचे कर्मचारी उपस्थित होते.
''सीएसआर'' उपक्रमाखाली कॅनरा बँकेतर्फे शिक्षण आदी क्षेत्रांत वेगवेगळे समाजोपयोगी उपक्रम राबविण्यात येतात, असे सुहास माळी यांनी यावेळी सांगितले.
फुलझाडांच्या कुंड्या देण्याचा बँकेचा उपक्रम स्तुत्य आहे, असे सचिन देसाई यांनी सांगून फुलझाडांच्या कुंड्यामुळे शहरातील स्वच्छता आणि सौंदर्यात भर पडणार असल्याचा विश्वास व्यक्त केला.
डिचोली शहरवासीयांनी फुलझाडांच्या कुंड्यांची काळजी घ्यावी, असे आवाहन कुंदन फळारी यांनी केले. शहर कचरामुक्त ठेवण्यासाठी नागरिकांनी सहकार्य करावे, असे आवाहन विजयकुमार नाईक यांनी केले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.